ثوبي كفـن وظلـم الأيـام تابـوت

ثوبي كفـن وظلـم الأيـام تابـوت
............... دنياي سوّت بي كذا ليــــــــــــــــه مـدري !؟




كم لي وأنا مسافر على رحلة الموت
............... تعبت أدوّر ويـن محفـــــــــــــــور قبـري ..!؟




كل وجه أشوفه يبتسم وجه حانـوت
............... وكل المدامع مابكت غيـــــــــــــــر عمـري




كذب السنابل تسمعه شجرة التـوت
............... والحيّ عيا ماسمع ويـش عـــــــــــــــذري




أنا الضياع اللي سكن جلد هلفـوت
............... وأنا الوحيد اللـي ملاييـــــــــــــــن كثـري




كنت الصغير اللي بنا برجه الحـوت
............... والحوت مات وبرجه ماعــــــــــــــاد كبـري




أعوام أشيل أبداخلي جمـر مكتـوت
............... مليت أشيله داخل ضلـــــــــــــــوع صـدري




كل يوم أقول الهم لحظـات ويفـوت
............... واللي يفوت اليوم ولا فـــــــــــــــاد صبـري




تطري عليّ أشياء كثيره بلاصـوت
............... ودّم الغريب اللي إندفــــــــــــــن معه سـري




منظر عذاب بلوحة العيـن منحـوت
............... واللي يبرّوز لوحة الحـــــــــــــــزن فكـري




صرت أحسد المجنون وأقول مبخوت
............... عذره معه لو قـال قالـــــــــــــــوا يهـذري




تعبت وحيلي أنهد والغصن محتـوت
............... سنين وحملي يشتعل فــــــــــــــوق ظهـري




يسقط من أيدين المسا أنسان مفتوت
............... وألمّلمّه وأنسى بعض منه وأســـــــــــــــري




أجزاء مني واضحه وجزء مبهـوت
............... يلقاني اللي يدرس بيـوت شعـــــــــــــــري




ياموت تكفى أشتقتلك حيل يامـوت
............... ودي أضمك وأحضنك وسط قبـــــــــــــــري
مماراق لي

[align=center] صح لسانك ولسان شاعرها
تسلم اخوي كامل
على هذا الاختيار الموفق


تحياتي وودي لك



[/align]

صح الساااااااااانك والسان الشاعر اخي كامل

الله الله صح لسان شاعرها وسلمت يدين ناقلها
بيت جميل اعجبني
ياموت تكفى أشتقتلك حيل يامـوت
............... ودي أضمك وأحضنك وسط قبـــــــــــــــري

سلمت أناملك على هذا الطرح الرائع

وسلم لنا قلمك المميز

تقبل خالص شكري

أبيات وقصيده جزله معنى ومبنى صح السان الشاعر وتسلم أخوي كامل على هذا الأختيار والنقل الجميل والموفق
دام حضورك وتألقك ....... تقبل مروري ودمت بخير