يقولها اللي من عنا الوقت منصاب ، ماكل علة فاد بها الطبيبي ..!

[align=center][tabletext="width:70%;background-color:black;border:10px inset sandybrown;"][cell="filter:;"][align=center]




يقولها اللي من عنا الوقت منصاب
ما كل علة فاد فيها الطبيبي
علمن عليه من الدهر غب الأوصاب
همن خفا غيضه عن الناس طيبي
من وارد الهاجس ليا روس الالباب
أقفت علومي يوم قفى نديبي
سقت المطية بين وديان وهضاب
وبّركتها دار الخفوق الذريبي
دارن خلت ما هي منابيت لأعشاب
دار المزون إمخيلات الجديبي
دار رواكزها على اضلوع واطناب
دار الصدر مسكان غرون وصيبي
البارحة كن العمر يأجودي طاب
واهموم غارت مثل غزو الكتيبي
من دنيتن فيها القطا يكفخ عقاب
وفيها يذوق الذيب قمع الصليبي
دنيا واعيني لو بدت ما لها ناب
لا كشّرت فيها الصّغير يشيبي
ياما وياما جمعت روس واذناب
فيه الذي فرقاه جرحن عطيبي
وياما اعتلا فيها الردي فوق الاشناب
والحر فيها عاش عمره صويبي
دنيا بها نقفي على اشداد واركاب
لين العمر تقفاه شمس المغيبي
يا صاحبي ليه للندم عقب الاحباب
وليت الغضي بالجوف ما له حطيبي
حسبي على اللي حسنها دونه ثياب
لا صدرت من يم دارن رحيبي
الفارع اللي لا بدت بين الأرقاب
تكّحل فقيد العين لو هو شحيبي
لو شافها عودن قضى الليل مرتاب
يندب شبابه يوم قفى إمخيبي
سبحان منهو كاسي الزين جلباب
خلى القمر بالليل ما له حجيبي
كان القمر ما تسترة ظلمه احجاب
وش يستر اللي حال دونه نصيبي
امسيت انا وصدوف الايام طلاب
واصبحت مع ذكرى المحبة تعيبي
ذكرت نوفن صابها اليوم ما صاب
نادت وشفت الهم جاها إمجيبي
راحت عطيه يأجودي بين الأغراب
راحت وشوق القلب دارن قريبي
قفت ووارى طرفها كحل الاهداب
واقفت بلا فرحة وربي حسيبي
دعيت انا من ذمني في قفى غياب
نهار شمل الناس دون المغيبي
لمعلق ارواح البشر بين الاصلاب
هو سامع بالقاع صوت الدبيبي
لا رحم حّين وصل العلم ما جاب
ولا رحم جامع كل حين غصيبي
يا جعل قلبه في شقى الوصل لهاّب
وعسى الهوى يصهب بقلبه صهيبي
ونيت انا في عالي الصوت منصاب
من خافين غيّب صواب الضريبي
اسمعت حرن هدته فوق الاوقاب
يفز من شافه إبوسط الشعيبي
يا حر انا مالي عن الهم مجناب
يأرد خفوقي مثل ورد القليبي
أسيّر الخطوه على اركاز مشعاب
واسمر وأجر الهم جر السبيبي
لا واحسيف اللي قضى عمره وتاب
لا من غشاه الليل جر النحيبي
ضاقت به الدنيا على افياض واشعاب
لا طاب له مسرى ولا له صحيبي
ولا واهني اللي ليا الحين ما شاب
عاصبن رأسه ولا له طليبي
ما شاف في عمره من الهم ترحاب
ولا اقفى ما بين القوم كنه غريبي
يهنأ برشفن لا حدر سيّل إلعاب
طيبن سقاه الورد عذب السكيبي
ويهنأ بنومه فوق هشات الأحداب
صدرن سكن عاليه حلو الزبيبي
لا من تجلت عن محانيه الأعصاب
تسمع مخيض مصدرات الحليبي
نومه على صدرن مبانيه تنساب
تسوى ليالي فوق عدِن رويبي
بين النعيم اللي بدت بيضها خضاب
بأقصى السعد مابين جالن رطيبي
من هو يداوي يا خوي خافين غاب
جرحن سكن صدر الضرير اللبيبي
لا من ذكر في مسمعه زين الاعذاب
ولا من لفت بيض الخلايق شهيبي
بالقلب جرحن يأاجودي ما بعد طاب
ولا ظنتي جرح المحبة يطيبي
حسبي على اللي للغضي كان شباب
نار لها بضلوع صدري لهيبي [/align][/cell][/tabletext][/align]

حسبي على اللي للغضي كان شباب
نار لها بضلوع صدري لهيبي


يا سسسسسلام


صح نقلك لبى قلبك



وان شاء الله اخر الغيبات لبى قلبك

تسلمين يالعزوووووووووووووف روووووووووووووعه
اشكرك على الطرح الجميل كجمال عوودتك

يقولها اللي من عنا الوقت منصاب

ما كل علة فاد فيها الطبيبي


صح السااااانك والسااااااااااان الشاعر


اختي الم زمن


والحمدالله على سلامتك


واخر الغيبااااااااات ان شاءالله

الله يسلم قلوبكم من كل شر

عطرتم متصفحي بمروركم الندي
لقلوبكم كل الود

صح السانك اختي العزوف والسان الشاعر

اختيار ونقل مميز

وش رايك ترجعين الى الم الزمن

احس اني ماعرفك بالنك الجديد اطول ونا اتذكر ههههههههههه

ههههههههههههههههههههههههههه
وربي حتي انا ماعرفتني هع هع هع

الله يسعدك يارب علي هالمرور العذب

لقلبك كل الود

حسبي على اللي حسنها دونه ثياب
لا صدرت من يم دارن رحيبي
الفارع اللي لا بدت بين الأرقاب
تكّحل فقيد العين لو هو شحيبي


صحت مشاعرك

لا املك الا ان انحي امام روعة هذا النص

كل الشكر لجنابك

*~آلـ ع ـزوووف~*

كالعادة ابدااااااع متواصل حتى بالنقل مبدعة

صح لسانك ولسان شاعرها

لاعدمناكــ