قصيد الشيخ ممدوح الامير رحمه الله

فكـرتِِ بالدنيـا عدلهـا وميلـهـا مـا غيـرت هـذا نهارهـا وليلهـا
هذي الجبـال الراسيـات رسومهـا مـاجــاء شـــي يـزيـلـهـا
هذا القمر والشمس وهـذي نجومهـا هـذاك جديهـا بـايـنٍ وسهيلـهـا
هذي شهورها مع دهورهـا ويومهـا ومنـازل بـه مـا تغيـر بديلـهـا
ماغيَـرت ميـر ان اهلهـا تغيـرواترحل منها ناس ونـاسٍ تجـي لهـا
ارحلتْ بنخـوات الرجـال وعزَهـاوشيمانـهـا مابـقـي الا قليلـهـا
لو البكـاء يرجـع بنـاس ترحلـوابكيت ليامـا العيـن يبـرد غليلهـا
وحنيت حنـة والـه تتلـي العـربوٍاعزاها ولا عـزت عـن فصيلهـا
خـلـوج حـنـت تـالـي اللـيـلواناحنيت مثلهـا واعـول عويلهـا
والا كما شمطا افقـدت غاليـن لهـاوحيدهـا ولا لمـت لـو زاد ويلهـا
ابكي على داري وربعـي وعزوتـييـاويْ والله عـزوةٍ ينبكـي لـهـا
أقفيت منهـا ناظـرٍ لـه ومحتـرققلبـي مخايلهـا وعينـي تخيلـهـا
ولاشفـت انـا مـن قـام وانتـخـاولا شفت انا من سل عنـده صقيلهـا
هـي دارنـا وامراحنـا ومرواحنـاحلـوٍ مرابعهـا ومحـلا مقيلـهـا
ترضون حياة الغـل والقـل والطنـاحياه يزري لمثلهـا وينـزري لهـا
ابكي معي يادار بالـدم والعزاابكـيليامـا العـيـن ييـبـس ثميلـهـا
يـادار يـادار المـروات والنـقـاحلّوا بهـا الانـذال لا سـال سيلهـا
شبهتهـا لعمهوجـةٍ غضـه الصبـاكـلٍ ايراعيهـا وعيـنـه تخيلـهـا
راحٍ وريحـان بــورود خـدهـاكـلٍ تمنـى عطفهـا ولـه حليلهـا
سـادت سماسيـر بهـا وافـسـدواعقب الطهارة صـار كـل خليلهـا
ورجالـهـا متكومسـيـنٍ قبالـهـاعقـب المعـزة لُـوّ ثـت عزتيلهـا
صاحت بعالي الصوت تنخى رجالهاتنخى رجال وين مـن ينتخـي لهـا
وين الرجال ويـن ماضـي افعالهـاالـدم عطرهـا والمواقـف دليلهـا
وين الذي ننخـى وينخـى وينتخـيالشـام تنعـي ارجالهـا وينعيلـهـا
ويـن القبايـل والرجـال والـيـومانتـم مــن ارجالـهـا وجيلـهـا
أوان كان ما قمتـوا لا قـام حظكـمفعالكـم تصغـر بعينـي جليلـهـا
ويـن السيافـا والسناعيـس وينهـمونخيت انـا بوقـت تعاظـم ثقيلهـا
يصيح وينخى عزوتـة شايـب لكـموحتى النساء قصت غوالـي ثليثهـا
من عقب كبر الجاه والعـز والعـلايهـان فـي داره ضعيـفٍ ذليلهـا
عقـب المحـدد والمحـزم وفـارسينخون شمـر ويـن شمـر تجيلهـا
صاحوا بعالي الصوت وين الطنايـاغلبـا لياثقلـت حمولـن تشيلـهـا
حواس بـن فـلاج ينخـى بجالهـاينخى ولاهـو بـي كثيـر وقليلهـا
حواس بـن فـلاج ينخـى بجالهـايقـول درب المرجلـه هـو سبيلهـا
وان كان ما ماتـوا تجينـا فزوعهـموان ماتت الاجـواد واعزتـي لهـا
وان كان ماتـوا وي ماتـت حميـهحميـةٍ كــل القبـايـل اتهيلـهـا
نخيت انا ولاني مـن نايـد العـربمن عـزوةٍ مـن بالقبايـل مثيلهـا
قبيلـةٍ انخاهـا واعتـز واعـتـزيمـن عـزوةٍ نعتـز بـه ينعزيلهـا
عنَاز وايـل ويـن عـزّة وسطوتـهانتم علـى عـازات بقعـا وميلهـا
نخيتكم والعيـن تـذرف مـن البكـانخيتكـم والعيـن جــارٍ هميلـهـا
نخيتكم انا وبي هاجس صاب هاجسيونـارٍ تلـظـى بالضمايرمليلـهـا
انتم هل الجيرات والضيف والحمـىوان ماحميتوا داركـم مـن يجيلهـا
حتى مصوت بالعشـا بعالـي الشفـاراحـت شتـات بدياجيـر ليلـهـا
من عقب كبر الجاه والجود والسخـاهانوهـم الأنـذال واسفـل سفيلهـا
تنخاكـم الخفـرات قـدّت جيوبهـاتنخى بعالي الصوت مـن يحتميلهـا
نخيـت اخوبتـلا وعنـاز كلـهـانخيت ولـو مثلـه عليكـم نجيلهـا
يابو زبـن تنخـاك وايـل ودارهـاانت الذي تعبـا لهـا وتعتبـي لهـا
اخـوان بتـلا والـثـلاب وينـهـموراكـان مـن ينخالهـا وينتخيلهـا
له شيمةٍ بالراس مـا شفـت مثلهـازيزومـهـا مقدامـهـا يستويلـهـا
رشيـد ياعقـب الشجـاع المجـربسعران لوهو حـي يكسـب نفيلهـا
تنخـاك خفـرات تكشـف براقعـهتنخى محـددت الجمـل مـا نخيلهـا
عوجان وينه ياسعـد مـن نخيتهـمتاتيـك شيبانـه تسابـق جهيلـهـا
نخيت متعب عقـب فـواز ينتخـيالحر الاشقر وقـت طلعـه ادعيلهـا
ورنس اخـو شيمـة ينخـى لمثلهـاحماتهـا يحمـى لهـا ويحتميلـهـا
واين اخو شيمـه هقوتـي لا تخيبـههقيـت بـك هقـوةٍ مـا هقيلـهـا
و نخيت انا الشعلان ورويـل كلهـااوي والله لابـــة ينعنـيـلـهـا
شوفوا محارمكم لفت كيـف حالهـاحرالنيـا مثـل المجامـر ركيلـهـا
ليت الدريعي حـي وياليـت نايـفحـيٍ لهـا ويهيـا لهـا ويرتكيلهـا
من شان صيحة حرةٍ جت جموعهـموالخيل قطعة مـن غوالـي سليلهـا
واليـوم تنخاكـم حرايـر ربوعكـمصاحت بعالي الصوت مما جريلهـا
عقب الحيا والـدَّل وزاهـي الباسهـاراح الحيـا منهـا وجـذت جديلهـا
صاحت حرايركم وتنخى بـلا حيـاوقدت جديـد ثيابهـا مـع سميلهـا
تصيح وتنخى جمع جمعـان وينهـمترجيك رجـوا الممحليـن لمخيلهـا
ننخـاك ياراعـي البويضـا ثامـرننخاك يانـاخٍ نخـى مـن انخيلهـا
لك نخـوة ماقيـل ولا قـط مثلهـاوشلون تصبـر ويحكمكـم رذيلهـا
وين العواجي وابـن سويلـم وينهـمويـن الاْيـدا ويـن خـزام فيلـهـا
وين اخو بقشـة للضواهـد نخيتكـمتنخـون ليامنـه تـوقـد شعيلـهـا
جعافـرة وشلـون تسلـون ربعكـمربـعٍ تفاديكـم بحـالـه وحيلـهـا
ذكرت انا راعـي البويضـا ساجـروذكـرت حنـة فاطـرٍ ينتخيلـهـا
عبود وينـه واخـو نقـوة يقودهـاعز الديـار وعـز جـار ونزيلهـا
دلاق هـدام الطوابيـر ليـا مـشـاوعداه يكثـر خوفهـا اليـا طريلهـا
نخيـت انـا الحييـن لا ذل حيهـمذلّ الذليـل ونذلهـا مـع بخيلـهـا
نخيتكـم علـى امـور تعاظـمـتورجاي بالمولى ولـو طـال طيلهـا
ولهي على الموتى اجسامهم تحركـتوتقوم من تحـت النصايـب تشيلهـا
تنخاكـم الفدعـان بواجـة الـديـاربحـالـتٍ يعزالـهـا وينرثيلـهـا
يقول مصـوت بالعشـا الـدار دارنانا تيها وآثـار الطواغـي انزيلهـا
قومـوا بـرأيٍ ثـم عـزمٍ وجزمـهالسيـف حـده للصعايـب حنيلهـا
إيكب فنجال اللي انخـى ولا انتخـىخلوه يشـرب مـن توالـي حميلهـا
كنه علـى اللـي مايـراوي برايهـايكرم عنه مطعومهـا وريـح هيلهـا
نخيـت انـا لـي عـزوة وايلـيـهركبت سنام المجد بصافـي صقيلهـا
منزالها بالمجـد فـي عالـي العـلاوامجاد من غيرة تقاصـر طويلهـا
حنا بني تغلـب وبكـر بـن وايـلامجـاد بالتاريـخ يسـأل جهيلـهـا
كليـب وايـل والمهلهـل وغيرهـامجـاد ماتحصـى ولا ينحصيلـهـا
من وايل وفي وايـل سـاس العـلاحنـا موارثهـا وصفـوة رعيلهـا
من ارض اليمن للشام لارض الاعاجملديـار بكـر وديرتـه دك خيلـهـا
حنا الـذي نحمـي الملـوك بدارهـاونذلـهـا بجـدارهـا ونحتميلـهـا
كليـب وايـل قـاد بكـر وتغلـبامجاد في عالـي المعالـي ارسيلهـا
هز العروش وعزّهـا وداس مجدهـاوزلزل طواغي عرشها وداس غيلهـا
حنا أهـل ذي قـار فزنـا بمجدهـاونرقى بـروج بالعـلا مـا رقيلهـا
من يوم ابن سعـود وشيبـان لابتـهحزنا المعانـي دقهـا مـع جليلهـا
زبن ملوك عـن ملـوك ٍ تعاظمـتوذلـوا عظايمهـا وعـزوا ذليلهـا
ومنا الخليفه مارضوا منـزل الوطـاالا بعالـي العالـيـات وطويلـهـا
ركبوا سواهج فوق موجٍ من البحـروطوابهـا ارض قبلهـم ماوطيلهـا
رحلوا يريـدون العـلا ونزلوابهـامن تغلـب هـذي منـازل رحيلهـا
بنو بهـا دارٍ مـن المجـد والعـلادارٍلهـم باعلـى المعالـي بنيلـهـا
ومن وايل وفـي وايـل نلنـا العـلايــاوي والله عــزوةٍ نعتزيلـهـا
حنـا الـذي منـا فتاكـة الـعـربذلوا الملـوك وجـل مـن يلتجيلهـا
منـا ابـن كلثـوم ومنـا المثـنـىوتركي بن مقرن صافـي حصيلهـا
كم طاغي جبار يعمـى مـن الطغـاأسقـوه مـن مـر الليالـي نهيلهـا
ومنا هل العوجـا عرفتـوا أفعالهـاألّـي الامجـاد العاليـة تنتهيلـهـا
امجاد ورث اجداد في عالـي العـلاكـل الرقـاب الطايلـة تنحنيلـهـا
ومنا أخوالا نوار حاز الأمجاد كلهـاهز الدول وملوكهـا وفـاز جيلهـا
مـا صـار مثلـه لا ورب خالقـهرقـى بـروجٍ بالعـلا مارقيلـهـا
نال المكارم والعلا فـوق مـا عـلاولو شي من فـوق العـلا يعتليلهـا
كل القبايـل مـا نحسـده مفاخـرهوحسادنـا خلـه تمـوت بغليلـهـا
هـذي مفاخرنـا وهـذي أمجادنـاهذي امجـاد اجـداد مـن ننتهيلهـا
نـذود عنهـا بالحـديـد وباسـنـاوبرواحنـا نفـدي لهـا ويفتديلـهـا
واسنادنـا الديـن الحنيـف وعزنـاوفيصـل يمامـه السعـد يوميلـهـا
يا فيصل الفصال بالشـرع والهـدىا لسنـة الغـرا سعـوا لتحويلـهـا
سعوا لها بالشرك والخبـث والـردىالله يــذل لسـاعـي يسعيـلـهـا
انت الخلف بعد السلف وانـت ليثهـامنـازلٍ حرمـت عليـك تحليلـهـا
تشابكت جـل الامـور وتعاظمـتمالـت عظايمهـا وعليـك تعديلهـا
وياعصامها وصمامها وانـت ليثهـاحزامهـا وحزامهـا عـن جفيلـهـا
ان هاجـت الهيجـا وجـن جنونهـاانت الشجاع انـت الـذي ترسيلهـا
وان أبرمت جل الامـور وتشبرمـتأنـت الحكيـم بحلهـا وتفصيلـهـا
نبي نخوض أغمارها وانـت ليثهـاونعتـز فـي تكبيرهـا وتهليلـهـا
أنهيتها بازكى الصلاة علـى النبـيوختامها بفاصـل نهارهـا وليلهـا

ياجماعة اللى يعرف ينسق القصيده اكون له من الشاكرين

الله يعطيك العافية اخوي كامل

والقصيدة منسقها رئيسنا ابو وائل الله يرده لنا

منسقها على هذا الرابط



www.al-welan.com/vb/showthread.php?t=8420

شكرا اخوى اللحيداوى على وضع الرابط

تسلم على الاختيار


الله يعطيك العافية اخوي كامل


وتقبل مروري ولك تحياتي