ماجد ينخى القبايل

الشاعر ماجد الغفيلي الشمري
ينخى القبايل لعتق رقبة محمد الزقروطي الشمري
والمطلوب عشرين مليون ريال سعودي ...



ي الله ي المعبود رب البرايا
اللي بأمرك نبتدي لا ابتدينا
جارت علي ظروف حال وعنايا
وناديت ي رحمن يوم ارتجينا
من دون راسي طالب للعطايا
عشرين مليون لحياتي بغينا
وضاقت ولا عندي عزوم وقرايا
ماغير وجهك ي الهي قرينا
ومن بعدها لديت صوب الهقايا
وناديت بأعلى الصوت ي محسنينا
محمد المظهور ينخى الطنايا
وينخى هل المدات ي المسلمينا
شمر حزام الضيق يوم السوايا
فكاكه النشبات يوم ابتلينا
وعيال وايل لا اعتزيت بندايا
وكل الظفير بضيقتي لا بغينا
وعتيبه الهيلا وحرب برجايا
وانخى الهواجر والدواسر تعينا
وقحطان وسبيع وسهول الندايا
ومطير والعجمان يوم احتمينا
تكفون ياربع تجي في منايا
تكفون فكو عوقنا وافتدينا
تكفون ثم تكفون مابه بقايا
الوقت يمشي والمنيه علينا
وجهتها وأقول هاتوا دوايا
ماعاد لي لحظات فيها تبينا
وختامها ي رب كل البرايا
بإسمك رجيت بدمعتي والانينا
أنك تفك نشبتي ياعزايا
وترحم وتلطف دامنا ماقوينا
الموت حق وطالبك في رجايا
تفكني واعيش باقي سنينا

منقـــــــــــــــــــــــــــــــــول

قصيدة جميلة
صح لسان الشاعر
وفك الله أسر الشمري

شكراً أخت الوايليه

الله يفك اسره والحقيقه عتق الرقبه اجرها عند الله عظيم ولاتستحقر من المعروف شيئ
جزاك الله خير

قصيدة جميلة
صح لسان الشاعر
وفك الله أسر الشمري

شكراً أخت الوايليه

الله يفك اسره ويرده لاهله سالما معافا


وانشاء الله اهل الخير مايقصرون

قصيدة جميلة

صح لسان الشاعر

وفك الله أسر الشمري

شكراً أخت الوايليه