قصيدة الا ياليتني [ طفل صغير ]

. الا ياليتني طفل (ن) صغير .. وتوني لعَّاب
ولا احد (ن) ياخذ افعالي .. ولا اقوالي بمحملها
**
وازور اللي على بالي زياره .. لو بدون اسباب
وعذري لو بلعبه .. جبتها من شان تقبلها
**
اجيها لو بنصف الليل .. والا الصبح ادق الباب
وهي ما تعرف اللي جابني .. يوم اني اوصلها
**
تحسبني طفل ضايع .. وتايه / ولْد ناس اغراب
تخاف اني شقي .. واشقى عليها لين ما اشغلها
**
تقول اسمك / وش اسمك يابطل ..؟قُلِّي وانا كذاب
اقول اسمي كذا ..! ماني بعارف ليش اظللها
**
وتاخذني لغرفتها .. وتعطيني قلم وكتاب
تبي تشغل عيوني .. كُثْر ما قمت اتأملها
**
وانا لا شفت هَذيك العيون .. وسكبت الاهداب
وشفت العز .. بالطول اللذي حلَّلى تمايلها
**
وشفت الَّلولو اللي جا..بوسط [التوت] و [العناب]
وانامل كنها من ريشة الرسام .. تنقلها
**
وليل (ن) لا كساها .. من خلاف امتانها جلباب
الا سبحان ربي .. كيف رب الكون عاملها ..!
**
يجي في خاطري كلمه .. عليها خافقي .. قد ذاب
وفي ودِّ ي اوصلِّها .. ولا ادري كيف اوصلِّها
**
على طول افتكر حبي لها .. وامفارق الاحباب
وجمره بالخفوق اللي .. عشقها من دلايلها
**
وصلت اصل الهموم اللي .. تعديني على المرقاب
أجر الصوت من همي .. ولي ونَّااات أطولها
**
ونجوى لا ضواني الليل .. من ليله قمرها غاب
عجزت احل شفرات الحزن فيها .. واحللها
**
تفيض العين بدموعي .. واطيح ودمعتي تنساب
وتحملني مَعَ ايديني .. وانا اللي ودي احملها
**
ولي رجوى لذاك الصدر .. تحضني وانا منصاب
وانام بحضنها واحلم .. وانا آداااعب جدايلها
**
واجيها كل يوم .. ولو نشدني واحد(ن) مرتاب
اقول اني / نسيت اللعبه اللي كنت .. شايلها
**
من اول كانت اعياني .. تقر بشوفة الاصحاب
بغير الموت .. ماكنت احسب الفرقا تطولها
**
ولا كنَّ الزمن لادار .. مع حكم القدر غلَّلاب
وحكم الله على حكم القدر ... والله يسهلها

من اول كانت اعياني .. تقر بشوفة الاصحاب
،،،،،،،،،،،،،،،،،،،،،، بغير الموت .. ماكنت احسب الفرقا تطولها

الشاعر نايف بن مستور
صح لسانك على قصيدة "ألا ياليتني طفل صغير"
أبيات غاية في الجمال والتعبير

ننتظر المزيد

صح لساااااااااااااااااااااااااااانك نايف مستور
شكرا

صح بووووووحك اخي نايف مستور

صح لسانك ولاهنت ..

قصيده راائعه بكلماتها واحاسيسها ..

يعطيك العافيه ..

تقبل مروري

تحيااتي لك

صح الساااانك والسان الشاعر


اخي نايف مستور