جـيت المـكان اللـي قبـل نلتقـي فيـة

جيت المكان الي قبل نلتقي فيه
وضاقت علي الارض ساعت ذكرته

ماكان لي نيه اجي في حراويه
بس الصدف جابته قدمي وزرته

وقفت اطالع كل حاجه واناديه
وسمعت صوتي من صداه ونكرته

حتى بعد صوتي نكرته وانا اغليه
كله لجل صوتٍ هجر ما هجرته

وقمت اتذكر فـ الزمان وبلاويه
الي كسرني ولا انا ما كسرته

هناك اذكر كانت ايدي بيديه
الله من ليلٍ بقربه سهرته

افرشله ذراعي وجفني يغطيه
وشوقي ليا من فاض عنده نثرته

اللي يبي مني اسوي .. اسويه
ياما كسره الوقت كسر وجبرته

اجمل ليالي العمر كانت لياليه
خسرت كل حاجه بليلة خسرته

وهناك راح ولا طلبني اخاويه
وهناك انا سنتين ضاعت نطرته

اقفى وانا ما قلت له مقفيٍ ليه
ليته تعذر بأي عذر وعذرته

لكن امانه يالمكان ومبانيه
كانه مع الايام جاك ونظرته

قله يقول الي تعب من طواريه
الموت كنك في يديك اختصرته

وقله بعد من راح وراحت لياليه
كل شي احبه في حياتي خسرته

صح السانك والسان الشاعر اخوي نايف مستور

نقل مميز وفي غاية الروعه

صح السااااانك اخي نايف مستور

مديرنا نايف النمران التميز وجودك بيننا تحياتي وودي
ابو تركي صح بدنك ولاتهون

صح لسانك أخوي نايف

ونقل موفق

صح بدنك وافي يابو سلطان مرورك امتعني تحياتي وودي لذاتك الوافي

صح لسانك
وعساك على القو

صح بدنك اخوي النمر مرورك كم كان ولازال جميل موفق خير كما عودتنا وافي