لون الدحه

هايل علي البدري وهي من الشعر الذي يختص بلون الدحه في احد الاحتفالات ....
....
أول كلامن بديته بسم الكريم ورجيته ربك يامنك دعيتـه يشفي العليل المرضاني

واثني كلامي بالقولي بصلاتن على الرسولي
شفيع الأمه بالهولـي يوم كلن ياقف عرياني

ومني سلام الأسلامي لجمهورن شفته قدامي
بمحفل رفيع المقامي قلته من قلبي ولسانــي

يالله تعز الحكامــي أهل العوجى الأكرامـي
عساهم لنا دوامــي حكامن طول الزمانـي

حكامن يذري ذراها وعلى العداله مبداها وربك من خيره عطاها وحكمو حكم القــرانــــي

يالله تعز الســــعـــودي أهل المكارم والجودي
عطاهم ماهو محدودي وصل الغني وجيعانـــي

ولك يبو متعب جددنا ولأنا لــك وعـهـــدنـــا
صقر العروبه سندنا ومن دونه نفدا الوطاني

بديت القاف وصخرته ولو هو عسيرن جبرته
قافن يومني ومرتــــه بالبال يحضر عجلاني

ابركها عندي من ساعه فيها نشوف الجماعه
جيتكم ياأهل الشجاعـه بقلبي لها مكــــانــي

يومني قلت المثايــل امدحكم ياضناء وايل
عمومن يهل الفعايل بقولن عليه البرهانـي

يا نعم والله سميه بربوعي أهل الحميه
افعالن مهي خفيه المشجع يوم الكواني

عادتهم فـك الرعيــه بسيوفن معهم قضيه
يردون احياض المنيه ياثار الملح ودخاني

مقدمهم شيخن معروفي الــي بفعاله موصوفي
ترا بن معجل به نوفي سربه وتخيف العدواني

شيوخن بالهيه يافزعو عن معاديهم مرجعــو
مثل الحرار ليشلعو أهل الجدعا الشجعاني

ونعمن بعيال الرويلي يركبو من فوق الخيلي
جمعن بالهيه ثقيلــي ومقدمهم ابن شعلاني

نعمينن بهل الفضيه فرسانن وأهل حميـــه
يوم الخيال ومطيه جموعن واولها جمعاني

من حد الجوف اليا الشامي خيول وطرشن جهامي
جموعن تضيم ولاضامي اليا ينخو عليا وعلياني

ويانعم ياولـــد علـــي يصار الرمي له صلي
تنطح جموعن ودولي وكسرو بني عثمانــي

وامدح اعيال الجلاسي اهل الفعايل والساسي
ماني مفضلهم بالناسي مار الفعايل وكدانــي

ونعمن بكل القبايل ياركبو فوق السلايل
أرجال ولها فعايل ياقلت القول ميزانـي
.....

يا نعم والله سميه بربوعي أهل الحميه
،،،،،،،،،،،،،،،،،،،،،،،، افعالن مهي خفيه المشجع يوم الكواني

الأخ أبو فايز أشكرك على ما قدمت من قصائد خاصة بفن الدحة الشعبي
وهو من الفنون الحصرية التي تختص بها قبيلة عنزة العظيمة

بارك الله فيك على ما قدمت