ممدوح يابن اهلال

مصافحه الى اخي العزيز ممدوح هلال




[poem=font="simplified arabic,5,white,bold,italic" bkcolor="sienna" bkimage="" border="ridge,4,darkred" type=1 line=0 align=center use=sp num="0,black""]
ممدوح يابن اهلال يامنقع الطيب = يامزبن الي شان وقته وجالك

راع الوفاء والطيب ومورث الطيب =من يم عمانك وحضرت خوالك

متوارثين الطيب عكف الاشانيب =والطيب كانه ملك لك من حلالك

ربعك اليامنه عوا الذيب لذيب = خيالهم خاض الخطر والمهالك

اهل الفعول مكملين المواجيب = يوم السنين اللي بها الجوع حالك

تنهاب لاهدت ولاردة اتـهيــب = مثل البحور اللي تلاطم اقبالك[/poem]

راع الوفاء والطيب ومورث الطيب
،،،،،،،،،،،،،،،،،،،،،،، من يم عمانك وحضرت خوالك

نايف النمران صح لسانك
أبيات جميلة ومتألقة
ويستاهل أخونا ممدوح ولد هلال

بارك الله فيك

تسلم اخي العزيز نايف النمران والله ما قصرت

كل الشكر والتقدير لك على القصيدة الجميله

وارجو ان تتقبل مني هذا الرد المتواضع

[poem=font="simplified arabic,4,darkblue,bold,normal" bkcolor="chocolate" bkimage="backgrounds/23.gif" border="solid,4,darkblue" type=2 line=1 align=center use=sp num="0,black""]
يامرحبا بنايف ومليون ترحيب=يانايف النمران ياحي فالك



مشكور ما قصرت ياراعي الطيب=ماهي غريبه منك وهذي افعالك



ما ينلحق مثلك بدرب المواجيب=لاشك وقت الضيق ترخص حلالك



منزالكم دايم روس العراقيب=مشورعن بيتك للي عنالك



اقولها والله ونعم المعازيب=تزيح هم اللي من الضيق جالك



والله وسبع انعام يارعي الطيب=يانايف النمران ياحي فالك[/poem]

صح السانك اخي ممدوح

بيض الله وجهك وافي

الاخ نايف النمران

صح الله لسانك جزل ومبدع

وصح الله لسان الشاعر ممدوح

تقبلوا مروري

صح لسان الشاعر نايف وصح لسان الشاعر ابو عبدالله على الرد الجميل مداعبه جميله في بحور كلمات الشعر بين اخوين كرام

المشاركة الأصلية كتبت بواسطة مبارك النومسي

الاخ نايف النمران

صح الله لسانك جزل ومبدع

وصح الله لسان الشاعر ممدوح

تقبلوا مروري

صح بدنك اخي مبارك تشرفت بمرورك على متصفحي

المشاركة الأصلية كتبت بواسطة سعدالعنزي

صح لسان الشاعر نايف وصح لسان الشاعر ابو عبدالله على الرد الجميل مداعبه جميله في بحور كلمات الشعر بين اخوين كرام

صح بدنك اخي سعد وتشرفت بمرورك الكريم