قصيدة وطنية

بسم الله الرحمن الرحيم ..
بمناسبة هذه الذكرى الرابعة والثمانين لتوحيد المملكة العربية السعودية على يد المؤسس الملك عبدالعزيز بن عبدالرحمن ال سعود رحمه الله
فانني اتقدم اليكم بهذه الابيات المتواضعه املا ان تنال على استحسانكم والوطن اكبر مما نقول وما نخفي
......
سميت باسم الله مولاي الوحيد ** اللي عليه المتكل والاعتماد
سميت باسمه وابتدى نظم القصيد ** الله يوفقنا تعالى لرشاد
ياهاجسي عطني من الجزل الفريد ** بالمفرده ياحبني للانفراد
خلك معي ياللي تفيد وتستفيد ** حنا ترى ماعندنا غير الوكاد
واللي يحب الزود مايرضى الزهيد ** مال الشداد الا هله ياهل الشداد
اليوم هذه يوم تاريخ مجيد ** رفرف علمنا به على كل البلاد
رفرف بحد السيف والباس الشديد ** يوم اعلن المرحوم حيال الجهاد
عبدالعزيز مطوع الراس العنيد ** القايد اللي جابها فوق الجياد
شرق وشمال وغرب بالجهد الجهيد ** واشمل بها صقر الجزيره لين ساد
كل الجنوب وقال مانبغى نزيد ** وانكف وقال اليوم حققت المراد
واعلن مسماها ولبسها الجديد ** يالمملكة مالك عن الوحده محاد
دستورنا التشريع لايمكن نحيد ** قيد انمله عن ماورد بالاعتقاد
وارسى الحدود وقال مافيها عبيد ** احرار كل الشعب نادي يالمناد
والشعب بايع قال هذا اللي نريد ** صبح بنا العدوان وهجدهم هجاد
نمشي على جمر الغضى ولا الجليد ** لاتكترث بهل الصلف واهل العناد
هذا وطنا موطن المجد التليد ** دونه نبيع ارواحنا بيع الجراد
هذا الرصيد اللي يسمونه رصيد ** ماهو الرصيد اللي مآله لنفاد
ورث رجاجيل على النهج الحميد ** مامنهم اللي مايقود ولا يقاد
خمسةً ملوك عزمهم مثل الحديد ** مافيهم اللي عن طريق الحق حاد
واللي بقى منهم عسى عمره مديد ** في ظل ابو متعب زعيم الاجتهاد
عبدالله اللي وفر العيش الرغيد ** لشعب والتعليم دايم بزدياد
وابو فهد سلمان له نعم العضيد ** ولي عهده وفقه رب العباد
والنايب الثاني راع الراي السديد ** مقرن شويره بالمهمات الشداد
هذه وصل الله عدد نبت الجريد ** على النبي اللي لكل الخلق هاد

خمسةً ملوك عزمهم مثل الحديد ** مافيهم اللي عن طريق الحق حاد




صح السانك ابوفيصل جزله من راس جزل

بيض الله وجهك

والوطن يستحق الفدا بالروح والمال

صح لسانك اخي الصقار

والله يعطيك العافية على القصيدة الوطنية الرائعه

وبارك الله فيك على مشاعرك النبيلة ناحية وطنك

كتبت وابدعت بارك الله فيك

لك شكري

خمسةً ملوك عزمهم مثل الحديد
،،،،،،،،،،،،،، مافيهم اللي عن طريق الحق حاد
واللي بقى منهم عسى عمره مديد
،،،،،،،،،،،،،، في ظل ابو متعب زعيم الاجتهاد

صح لسانك يالصقّار على الأبيات الرائعة
عن اليوم الوطني للمملكة العربية السعودية

تقبل شكري وتحياتي ،،

المشاركة الأصلية كتبت بواسطة نايف النمران

خمسةً ملوك عزمهم مثل الحديد ** مافيهم اللي عن طريق الحق حاد




صح السانك ابوفيصل جزله من راس جزل

بيض الله وجهك

والوطن يستحق الفدا بالروح والمال

_____________
لاهنت يابو مشعل شهادتك تاج على راسي شاكر ومقدر لك ذلك

المشاركة الأصلية كتبت بواسطة رياح الوفاء

صح لسانك اخي الصقار

والله يعطيك العافية على القصيدة الوطنية الرائعه

وبارك الله فيك على مشاعرك النبيلة ناحية وطنك

كتبت وابدعت بارك الله فيك

لك شكري

لاشكر على واجب ..
ولاهنت على اشادتك ووطني يستحق اكثر من ذلك شاكرنا ومقدرا لك المرور

المشاركة الأصلية كتبت بواسطة فارس عنزة

خمسةً ملوك عزمهم مثل الحديد
،،،،،،،،،،،،،، مافيهم اللي عن طريق الحق حاد
واللي بقى منهم عسى عمره مديد
،،،،،،،،،،،،،، في ظل ابو متعب زعيم الاجتهاد

صح لسانك يالصقّار على الأبيات الرائعة
عن اليوم الوطني للمملكة العربية السعودية

تقبل شكري وتحياتي ،،

صح بدنك وشاكرا ومقدرا لك شعورك وتفاعلك ولك اجزل التحيه مني

صح لسانك اخي الكريم
معزوفة رائعة يتجمل فيها اليوم الوطني المجيد
يعطيك العافيه على الابداع والروح الوطنية الطيبة
لك تقديري

المشاركة الأصلية كتبت بواسطة ريم الفلا

صح لسانك اخي الكريم

معزوفة رائعة يتجمل فيها اليوم الوطني المجيد
يعطيك العافيه على الابداع والروح الوطنية الطيبة
لك تقديري

صح بدنك وشهاده نعتز بها والوطن يستحق اكثر من ذلك
تقبلي تحياتي