يبه شلونك ؟؟؟؟ ملل هالكون من دونك .... ((مرثيه))

[align=center][align=center][align=center][glow1=#FF0066]يبـه شلـونك

يبه شلونك...ملل هالــكــون من دونك ..

يبه شلونك ؟؟وتمضي رحلة الدنيا..

بليا طلة عيونك..؟؟!!

يبه شلونك ؟؟وشلون المرض وياك ؟؟

بعد ماهدك بدنياك..عساها تغمض جفونك ؟؟

تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟

.. يبه امي تخيلك دوم...تغني لك مع القمرا..

يبه واللي خذاك بيوم....خذا بنيتك بكرا..

خذا.. وياماخذا.. وياما..خذا ناس يحبونك

يبه حنا صرنا كبار..توفقنا وتخرجنا..

يبه ماعاد فيه صغار..يموج بهالزمن كل شي..

وحنا ماتموجنا..على ذاك العهد نسري..

نبيع العمر والدنيا..ولا تخلف بنا ظنونك

يبه شلونك ؟؟تبي تدري عن اخباري ؟؟

عن افكاري وتذكاري ؟؟


اشيلك داخلي جمره ..وبعيون الحزن عبره..تغرقني .. وتحرقني..

اشوفك نجمة تجبر..مراعيها .. يراعيها..

واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى !!

يبه تذكر زمان مر؟؟
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يايبــه ..
ملــــــــــــــل هالكون من دونك
يبه وينك ؟؟ .... ولهت لنظره من عينك ....
يبه وينك ؟؟
اشوفه طوّل غيابك !! ... و من ودّاك .... ما جابك !!
قالوا ما يدوم الزين !! ... و انا عندي امل للحين ..
و لكني اعرفك وين !!
يبه وينك ؟؟
عسى الداعي يبه بس خير ؟!!
عساك بخير .... مداين تكرم لعينك ...
بس ارجوك علمني ...
علمني .. يبه وينك ؟؟
سألت امي عن رجوعك ... ولا كني اعرفك وين !!
و قالت .. ما يدوم الزين !! ... و انا .. عندي امل للحين ..
في رجوعك !! .... يبه بس تكفى علمني ....
متى رجوعك ؟؟ .... يبه بس تكفى علمني .
وش احلى من طلوع اثنين ؟؟
طلوع الشمس .... و طلوعك
يبه وينك ؟؟
سألت امي ...... غيابك طال ؟؟
ولا كنّي اعرفك وين !!
و قالت مثل ما قالت .. حسافه ...
ما يدوم الزين ... مع كل هذا صدقني .. انا عندي امل للحين !!
سؤالي عنك يالوالد .. صار كما الموال
و اشوفه طال ... والله طال ..
حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه ..
يبه ..
ارجوك علمني ...
تشوف اللي انا اشوفه ؟؟
انا اشوفك نهار و ليل ...
في وسط المجلس تصلي .. و تدعي الرب ييسر لي ..
يبه ..
ما عاد بي من حيل .. وين الحيل ؟؟
و انا اشوفك نهار و ليل .. مع اني ادري ما ترجع !!
غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !!
يبه .... وينك ؟؟
و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك ..
و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !!
يبه.. كل جرح في الدنيا .. مصيره بالدوا يلتم ... و لكن البلا من جرح ..
نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!!
ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما
تـلتم ..
بس عندي امل للحين !! ... و لا كنّي اعرفك وين !!

يبه .. ذكراك تفرحني ....
في نفس الوقت تجرحني !! ... لا من جبت في طاريك ... دموعي غصب تفضحني ....

يبه .. تذكر ليالي الصيف ؟؟
عرس الحي .. و رقص السيف ؟؟
و كرم قلبك معَ هـالناس .. كل ٍ كان في بيتك ضيف ..
الا يا حيف .... الا يا حيف ..
زمن قاسي .. زمن قاسي ...
اخذ مني بلا رحمه ... اخذ مني اعز ناسي !!
و خلاّ لي سهر هالليل .. في عيني ضيف .. الا يا حيف !!

يبه وينك ؟؟
تعال و شوف ...
كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف ..

يبه وينك ؟؟
تعال و شوف .. صحيح الدنيا ما ترحم ..
تجرعنا التعب انواع ... و لكن الأمل ما ضاع ..
و انا عندي امل للحين !! ... و لا كني اعرفك وين !!

يبه تذكر شطانـتـنا ؟؟
انا و اخواني و اخواتي ... معانا عيال حارتنا ..
نلعب في زوايا البيت .. يبه ... والله انا حنيت ..
لذاك الوقت في وجودك ... الا يا ريت ... الا يا ريت ...

ترجع .. يا يبه حنيت ..
حسافه الدنيا ما ترحم ...
خذت منا سعادتنا ... خذتك بعيد .. و خلتنا !!!

يبه امي تذّكرنا ... بأيامك قبل ما تروح ... تناديها.. يا روح الروح ..
تغازلها و تنظر لك .. مثل طفله ... ملامحها عشق مفضوح ...

في ذاك الوقت .. كنا صغار ...
معَ هذا ... كنا نغار ..
عليها .. او بعد منها ... كنا نغار
نحبك يا يبه ... ارجع .. مثل شمس الفجر .. اطلع
حزينه الشمس في غيابك .. و نفس الحزن في احبابك .. واخاف الشمس من حزني ..
تغيب و ما بعد تطلع !! .. يبه ارجع !! ... اذا لي خاطر فـ قلبك ..
تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..

لكن قلّت الحيله ... و يمكن مـ البطا ضاعت ..
و قلنا يوم !!

يبه سامحني بترخّص ... قبل ينشف حبر الأقلام .. كلامي بعده ما خلّص ..
و لكن موعد الأحلام .. حان ..
ولازم اوفي له.. بعد ما ضاعت الحيله .. اشوفك والوعد باكر !!
اذا فكّر يجي باكر ..!! .. و برجع اسألك وينك !!

بس لازم تجاوبني .. ترى عندي امل للحين !! .. و لا كني اعرفك وين ..!!

يبه شلونك ؟


ملل هالكون من دونك
يبه شلونك ؟
وتمضي رحلة الدنيا ... بليا طلة عيونك
لاجل هذا ... وكل هذا ... اقول اليوم يابـيـي

ملل هالكون من دونك منقووول النص الذي في الاعلى هو احد أجمل نصوص الشاعر مسفر الدوسري
هي قصيدة كتبها رثاء بوالده رحمة الله عليه
أنا حبيت أنقل لكم هالقصيده لأنها تناسبني كثييييييييييييير

آسفه على طوال القصيده بس عجبتني
الله يعينا على القناااااااص [/glow1][/align][/align][/align]


[align=center][/align]

[align=center][align=center][glow1=#0000CC]ويــرد الأب فــي لحــده قــائــلاًً..

يابنتي يابعد عمري .. انا ودعت فادعي لي ..
عمر خلّص وأنهيته .. بقى عمرك ياعبورة ..
يابنتي يكفي اللوعة .. يابنتي تكفي العبره ..
يابنتي هذي الدنيا .. عسى ربي يسامحها ..

خذتني فجأة عنك .. وصوتك صار يصحبني ..
احبك موت وانا بالموت .. احبك يابعد سلواي ..
كتمت الحب في دنياي .. ولا اخبرت ياعمري ..
ولكن بعد ماراحوا .. تذكرتك على بالي ..

بغيت اطلع واركض لك .. ولكن ماقدرت اطلع ..
لقيت اصخور قدامي .. ولكن انتي انفاسي .. بعد ماقطعت انفاسي ..
يابنتي لاتناسيني .. يابنتي لاتخليني ..
بدعواتك ودعواتك .. سلامي لك وكل البيت .. ترى والله احبه زود ..
نعم اذكر مجالسنا .. نعم اذكر سوالفنا ..
نعم اتذكر البسمات .. بعد اذكر تمازحنا ..
ذكرتي يوم تجيني البيت .. ومن الشباك اناديكي ..

وعند الباب احاكيك..واقولك من هو الطارق
ذكرتي ياامل دنياي ..
ضحكت وكنت مستانس .. لعبت وكنت سلواكم ..
وماظنيت في لحظه .. افارق وابتعد عنكم ..
نصيحة اسعدي عمرك .. ولا تبكين ارجوكي ..


وشوفي كل هالدنيا .. تراها ماتساوي شي ..
ألا ياليت ارجعها .. ولو ساعة واقول الله ..
واسبح واذكر الخالق .. واصلي عالنبي وآله ..
وابوسك بوسة موادع .. واطبعها بعالي الراس ..

سلم راسك وانفاسك ..
سلامي يابعد عمري ..
ولاتنسيني بالدعوة ..

[align=center][img][/img][/align]منقــــوول

تحياتي


[/glow1][/align][/align]

[a7la1=#6633FF]شموووووووووووووخ[/a7la1][a7la1=#FF9900]مهما قلنا لن نعطيكي الانصاف
سيبقى حرفك الزاهي
بعدا جمالا اصاله ووقع شفاف
يعم ارجاء المكان بالنور
يخاطب العقول و الافئده
يعلق في النبض والشغاف
وسنبقى نصفق لكل روائعك
وسيعلو لكل جديد لك
عاليا الصوت بالمديح والهتاف


سيعود منتدانا افضل مما كان
بوجووود شمووووخ الويلاان
وستستنشقين روائح الفل والريحان

كل الشكر
وروعه العطر[/a7la1]

شموخ مشكوره على هالنقل الجيد رقم أن الكلمات قرقت عيوني بالدموع لتسائل الشاعرعن والده يبه وينك يبه وينك وهو يعلم بعدم رد والده لأنه في دار البقاء رحمه ورحم والدينا وجميع المسلمين
لك الحب والتقديرياشموخ من أخوك
الشقاوي

يبه وينك. يبه وينك ؟؟؟ بنتك مالها وجود بدونك

عسا عيونها للعمى ؟؟ إذا ماشافت عيونك


تسلمين أختي شموخ

على هذا النقل الرائع

والله لايحرمنا من أبداعاتك يارائعه


لك كل الحب والتقدير

[align=center][all1=#33FF66][all1=#FF3366][a7la1=#CCFF00]سيف الجوووووووووووووود

شكرآ لا طلالتك المشرقه التي نشرت الضياء في صفحتي

وشكرآ لعذب حديثك واطرائك الجميل

شرفني مرورك لك مني كل احترام وتقدير

وعلى الود نلتقي[/a7la1][/all1][/all1][/align]

[align=center][all1=#FFFF33][all1=#009933]الشقااااااااوي

شكراً لي وجودك في صفحتي المتواضعة

فعــلاً الأبــوة شــئ عظيــم ومــن فقــدهــا فقــد فـقــد شيئــاً عظيمــاً,,,,

ألــم اليتــم ..مــن أشـد الآلآم التــي يمــر بهـا الإنســان..

أطــال الله فــي عمــر والدتي والديكم

لك مني كل شكر وتقدير

وعلى الحب والموده نلتقي[/all1][/all1][/align]

الله ايسامحك ياشموخ

ما ادري كيف انقل لك شعوري .... ولكنني حسيت بكل كلمه وكل مقطع

[align=center][all1=#99FF00][all1=#FF6600]بنت ابوها

روحي فرحة لقدومك ..

و سعيدة لحضورك ..

فأشكرك من كل قلبي ..

تقبلي احترامي ..

أختك شمووووووووخ[/all1][/all1][/align]

[align=center][/align]
[align=center][all1=#336600][all1=#FFFF00][all1=#3366FF]ابو وائل

كم اشتقت لهذا الاسم في متصفحي

و لكن

ها هو يعود من جديد

لينير الصفحة

و يكسبها أبهى الأنوار

فلا تحرمني من السعادة بوجودك

هلا وغلا فيك وجودك شرف لم التوقعه

أختك شمووووووووووووخ[/all1][/all1][/all1][/align]