قلبي خضر / بقلمي

قالوا رومانسي قلت فعلاً رومانسي
قلبي خضر والترف بالحيل عناه

ابو خدودٍ كنها اشراق شمسي
وكن القمر متمركزٍ في محيَّاه

وعيونه اللي تسرق القلب نعسي
والشعر الاشقر فوق الامتان غطَّاه

كل الحلا مغموس بالزين غمسي
في ناظري ماشفت مثله وحلياه

ياحمس قلبي من هوى الزين حمسي
كنه على جمر الغضاء حيل يصلاه

من دون خلي ياهل الحب رمسي
الدار البيضاء تحتضن كل مأواه

وانا هنا في وسط نخلي وغرسي
في دار ابوفهد عسى الرب يحماه

امن وامان وراعي الشر منسي
باارض الوطن ياباغي الخير تلقاه

لكن هويت الزين من تلك نفسي
حبه سكن بالقلب وتله من اقصاه

قلبي على عرش المحبه بكرسي
متربِّعٍ والبال عايش بذكراه

اصبح على ذكراه ياناس وامسي
يفز قلبي كل ماحل طرياه

وبنت الوطن في زينها طب ضرسي
لكن ذبحني العطش من على ماه

تقول ابي شابٍ وجيبٍ وجمسي
واللي متزوج ياهل العرف ماابغاه

ياطايرة الميق بالجو ارسي
وخلي تجاهك صوب خلٍ هويناه

نايف الشويب السليمي

صح لسانك يا نايف

والله يعطيك العافية على القصيدة الطيبة

لك تقديري

المشاركة الأصلية كتبت بواسطة رياح الوفاء

صح لسانك يا نايف

والله يعطيك العافية على القصيدة الطيبة

لك تقديري

صح بدنك ولاهنت /

تحياتي لمقام سموكم الكريم :