طال الصبر / بقلمي

ابسألك ياصاحبي وش تنتظر
خل الاجابه ياحبيبي مقنعه

معك اليوم وبكره لا معك شهر
طولتها مع صاحبك وش يقنعه

طال الصبر ياصاحبي طال الصبر
يبقى الثمن ياصاحبي من يدفعه

ضاق الصدر ياصاحبي ضاق الصدر
وش هالمحبه ماتجيب المنفعه

دام النتيجه ياخلي معك صفر
وانا احسبك شتاتي معك تجمعه

لملم اوراقك وانثرها بحضني نثر
ومن بعدها يمكن جوابك نسمعه

اصدق معي خلك معي كفى هجر
حبل الرجاء ياصاحبي لاتقطعه

وانا ابدرس وضعي معك بعد الشهر
يكفيني صبري بالسنين الاربعه

اما تجي والا ابسوي لك حظر
والصاحب اللي مثلك الله يقلعه

نايف الشويب السليمي

اصدق معي خلك معي كفى هجر
،،،،،،،،،،،،،، حبل الرجاء ياصاحبي لاتقطعه

الشاعر نايف السليمي
صح لسانك على القصيدة المليئة
بالأحاسيس والمشاعر الفياضة

تقبل تحياتي،،

فارس عنزه صح بدنك مليون ولاهنت /

تحياتي لمقام سموكم الكريم :

شاعرنا نايف الشويب

صح لسانك وسلم بوحك

الله يعطيك العافية على هذا الإبداع

لك تقديري