يخرب بيت كذا شرطي !!

[align=center]

البارحة في رحلتي من مدينة الرياض لمدينة جدة حصل لي موقف شخصياً احرقني

سلمت على الأهل والأصدقاء والحبايب وودعتهم بكامل أناقتي ثم اتجهت
الى المطار حاملاً معي اللاب توب و شنطة صغيرة أخذت لي مكان
وجلست اشتغل على الكمبيوتر ريثما يتم الاعلان عن الرحلة

( تم الاعلان )

أتجهت الى الصالة و طبعاَ لازم تمر على ( نقطة التفتيش ) .. كان
أمامي في الطابور رجل كبير في السن و خلفي رجل أجنبي بدأ لي
انه كندي أو امريكي مع صاحبه خلفه مباشرة ..
يتحدثون وَ يتحدثون . . .

وضعت شنطتي و جهاز اللاب توب عبر جهاز الكشف ثم طلب
مني رجل الأمن ان افسخ ايضاً جزمتي ! من اجل الأمن و كل
شئ يهون من أجل أمننا و امن دولتنا الكريمة
اهم شئ يقف الين الجزمة خايف يقول لي طلع ثيابك ..

قلت لرجل الأمن : مالها داعي مع ابتسامه جميلة و الله
رد علي : بسرعة مع ابتسامه ( غير نظيفه )

حكاية خاصة اذا كانت الجزمة برباط ..( عِلة و الله ) ..
طلعت الجزمة و مررتها بجهاز الكشف ..
( كل شئ طبيعي هنا يا ضجيج ) وش الجديد ..
مررت بسلام من الباب و اخذت شنطتي و جهازي اللاب توب
و جزمتي طبعاً و قعدت البسها من جديد و ( اربطها ) موقف بااايخ صدقوني ..

لكن فجأة اصحابنا الاجانب عدو بسلام و لا طلب منهم ان يفسخو الجزمة !!

ارتفع ضغطي و ما تحملت صراحة .. يخرب بيت كذا من شرطي يا شيخ ..
اتجهت له و قلت له : يعني تعبتني يا ابو الشباب و فسخت الجزمة
( طبعاً مبتسم و الله ) طيب ذول ما خليتهم يفسخون الجزمة ...
ما كملت العبارة الا ونظر بحقد لي ( يا الله ) !!
رد علي : تفضل .. يعني ( توكل على الله )
خفت لا ازودها معاه و اروح فيها خاصة اني بـ السعودية .. و وراي اهل ..

تفضلوا .. المهم ما عرفت وش اقول غير عضيت على لساني و مشيت
وانا مقهور منه ..
لا يكون انا بدولة ثانية ..
وشكلي المرة الجاية عشان اسلم من هالغبي و امثاله
راح اسافر بـ T-shirt وَ برمودا و اصبغ شعري باللون الاصفر ..

وَ يمكن يا ضجيج هداك الله الرجال معذور ..
يمكن ما يعرف يتكلم انجليزي و يتحدث معهم و يقولهم
( طلعو جزماتكم مانتم احسن من هالقاعد يربط جزمته )

يمكن لانه البعض ( قليل جدا ) من رجال الامن عندنا
هم في الاصل فاشلين تعليمياً و احياناً تربوياً ..
من خريج الصف السادس الابتدائي و كان اكبر داشر في الحارة ..
بعدين يبدأ يتطور الين ما يصير
( رجل أمن ) .. و حاجة عظيمة اذا حصلته يعرف يكتب اسمك زين !


يارجل وطن ماشي بالعافيه وربّك ..!
تعودوا ع " مشّي حالك " ... وتوكلنا على الله




ياحليلهم هالعساكر ، صحيح بعضهم يتعبون بس اظنهم ياخذون
حقهم مقابل هالتعب ، حتّى لو ماكان يكفيهم ولا فيه شيء اسمه
حافز أو مرتّب يستحق في بعض التخصصات
احزن عليهم وعلى اللي شغّلهم !
تعيين ..وعمل كلّه ماشي بالعافيه وشغل عك في عك ..!!

ما علينا بس مو شئ يقهر ...؟!


ما السبب في الفساد الأداري والمحسوبيات والواسطات ...؟؟[/align]

والله يا ضجيج ذكرتني بسالفة العسكري اللي بشرطة الحفر


واقف يفتش على اثباتات

مروه شباب اثنين

وشاف اثباتاتهم

قال تفضلوا يالمطران

يقولك العيال واحد حربي والثاني مدري من اي قبيلة ولا بهم المطيري



ضجيج يعطيك العافية

بس وين اللي يسمع هالكلام ويصدق انه فعلا عندنا عساكر وموظفين حكومة كثير من هالنوع

لك تحياتي

عالي

ههههههههههههههههههههههههااااااااااا ي


طيب وش رايك بالعسكري اللي أخذ مني الرخصه بالمقلوب وناظر فيها وقال لي

طيب فين الرخصه ياولدي

قلت ليه أنا وش معطيك

قال مدري مو هذي بطاقت الأحوال

قلت أيه صحيح وعطيته بطاقت العمل وقلت

سم هذي الرخصه

طيب هذا وش تقول فيه