بداية لحب ونهاية لحكمة اقروها وردوا عليها

السلام عليكم ورحمة الله وبركاته
مسّاكم الله بالخير يا قروبنا الحبيب

يخونني التعبير في وصف شكري لكل من أرسل برايه وتعليقه على الأبيات السابقة وأعتذر عن كل من لم أرد عليه .. لكن ليتأكد الجميع إن كل كلمة جتني قريتها واهتميت بها ولا طنشت من الرسايل شي
عموما الله يعافيكم ولا هنتوا جميعا

قصيدتي اليوم غزلية هذا هو الموضوع الأساس وبدايتها فخر ثم حكمة وكل غرض يتصل باللي بعده وهذا شي ما هو مبدعه من عندي .. من قديم الزمان والقصيدة في بدايتها غرض ثم ينتقل للغرض اللي بعده
يعني لا تحسبون الغرض هو البداية بس
هذا تمهيد للقصيدة عشان تقرونها وأنتم مستوعبين لأفكاري

طبعا القصيدة على وزن وقافية واللي يحس إن فيه بيت ما مشى معه صح في الوزن يراجع القرايه لان الشعر العامي مثل ما يقولون يُلقى ولا يُقرى

أتمنى تعجبكم وترقى لمستواكم الرفيع

أقول فيها

قالــت ترى مثـلك علـى الحبّ ينعاب
ابعــد ودوّر في الهـوى نــاس ثانيــن

قلـت استحي يــا بنت مــانــي بمعيــاب
ما دام ربــعي في الصمايـــل جزوميــن

حنــا بني دوســـر لنا المجد طـــــلاب
حنــا بني دوســـر كرام(ن) مياميــــن

أشمخ من جبال(ن) على متن الهضاب
وأشجع من آسـاد(ن) بوسط المياديــن

نعرض عن الجاهل ولا نحسب حســاب
واللي زعل يزعل .. فمــان الشيــاطيــن

طبعــي كـــذا .. أجفـى قليــليــن الآداب
وأرفــع بقـــدر اللّي على العزّه يعـيــن

والكبــر عمــره مـا جمع قلب الأحبـاب
والغـدر يطعــن مثـل طعـن الســكاكيــن

والنــمّ يا مــا قـد قطع وصـل الأصحــاب
والهجــر نـــاره مثـــل نــار البــراكيـــن

والصـــدّ يــا مــا جــرّح القـلب بأنيـــاب
جرح(ن) يلوع النّفس من الحين للحين

والـهـــمّ يــا مـا جــرّ عـ القلب أتعـاب
والكــذب عـــاده للرخـــوم الضعيـفيــن

ومـا كـلّ من يبسم دليل(ن) للإعجاب
بعض البشر ضـحكه سمــوم الثعابيـن!

والحـبّ يا مـا قـد عمـى بعض الألباب
والعشـق حكمـه قــد قلـب القــوانيــن

وأنـــا ذبحني حب مكحول الأهــداب
اللّي جمــاله يتعـب القلــب والعيــن

مكحولة(ن) نجلا لهــا وصــف جذّاب
محبـــوبتــي درّه مـــلاك المزايـيـــن

مزيونة(ن) بيــضا لهـا شعر منسـاب
أنفاسها عطــر(ن) لأحلى الريــاحيـن

محبوبتـي الشيخـه لهـا قـدر وحساب
هي اسمها يسوى - لحالـه - ملايـيـن

هي صوتها يفتح على الشوق أبواب
هــي وصفــها يعجّــز بحور ودواويـــن

هـــي قلبها من هو تعـرّضه لا طـاب
لاطاب من شين(ن) ولاذاق من زين

قلبي ترى لغيــره من الخلق ماذاب
أقسى القلوب إن شافها قلبه يلين

هي وصفها كنّـه على صفحة كتـاب
وأجـمــــل معانيــها سطـور متخبّين

يا الله يا اللّي من ترجّــاك مـا خــاب
يا الله يا اللّي خالق النّاس من طيـن

اسعد قليب اللّي لهـا السعْد ينجـاب
وارفــع قــدرها فــوق كـــلّ الموازيــن

وصــــلاة ربي عد مــا هــــبّ هبّــاب
على النبي المختـــار سيــد النبيين

,وعلى العموم القصيدة ليست لي وانما لاحد الاصدقاء وحبيت اضيفها ....

روعة يعيطيك العافية

بس انا اراهن ان القصيدة بها كسر في بعض الابيات

تقبل تحياتي

عالي

أولا والنعم فيك أخوي روعة النسيان

ولك الحق تفتخر بقبيلتك والنعم فيها

وصح لسانك ولسان قائل هذه الأبيات

وحنا كلنا فخر بأنضمامك إلينا

وهذا شي يفرحنا كثير

هلا وغلا فيك أخوي

وبأنتظار ماتجود به نفسك لك

تقبل تحياتي وتقديري

قصيده رائعه صح لسان الشاعر وتسلم اخوي روعة النسيان على هذه المشاركه المتميزه
.............تقبل فائق احترامي ...........جروح الندم

[align=center]الله يعطيك العافيه وصح لسان الشاعر

قصيدة حلوه بالحيل

سلملي عليه وقله كل ما راقت حليت وكل ما حليت صارت شربيت

ومثلك على الحب تاج[/align]

السلام عليكم والرحمـــ من الله سبحانه ـــه


اخي الكريم



فالبدايه اقول والنعم بالدواسر



اما القصيده لاتعليق عليها سوى ان اقول انها رائعه


وصح لسان شاعرها وتسلم يمينك اخوي


وتقبل تحيات اخوك


دايم الغربه


والدااااااااااااااايم الله

مشاركة رائعه

واختيار جميل

تقبل تحياتي اخي روعة النسيان