الشقاوي وخلق الله

[poem=font="Simplified Arabic,5,black,bold,normal" bkcolor="skyblue" bkimage="" border="solid,4,red" type=0 line=0 align=center use=ex num="0,black"]
$ نفحة سجين $

لاوالذي تشرق له الشمس وتغيب=اللي خلق خلقه وخلقه فرقها
ناس)ن(تسابق بالردى وناس بالطيب=وناس)ن(عسى رب البشرماخلقها
ياخلقة الله فيك كل التعاجيب=ناس)ن(عطاه الله وناس)ن(محقها
فيهم غشيم يخطي أحيان ويصيب=حطاب ليل وكل سمره خشقها
وفيهم كريم)ن(والكرم يستر العيب=اللي يمينه دوم يندى عرقها
وفيهم شجاع)ن(بالشجاعه ولد ذيب=المرجله من صغر سنه عشقها
رام المعالي وشامخات المراقيب=هذا هوا روحه وهذا رمقها
شروى أبوخالد كاسبين المواجيب=اللي على الطولات كفه طلقها
أنا أشهد انه سالم من العذاريب =عزالسجين اللي حياته زهقها
ياصاحبي لو لاح في عارضي شيب =مالوم روح اللي حياته شنقها
شفت الجفى من عزوتي والمعازيب =وقمت أتقلب بين بقعا وسلقها
عقب المعزه شفت ذل وتهزيب=وقامت أرذال الخلق تطلق عنقها
شفت الثعل والبوم والنمر والشيب=في جفرت)ن(وأبواب ربي غلقها
لامال يغنيني بوسط الأجانيب=ولاني بتاجر خزنته لوسرقها
ولاني منافق لحيته تكنس السيب=على الدجل والكذب يمسح عرقها
يعطي دروس الدين تاجر وخطيب=يامر وينهى وكل صيده زرقها
ملعون أبو ومقطع من العصاليب =لاقلت هانت ثم جاها وعزقها
نظمت لك لايالعتيبي مكاتيب=من واحدن أبيات قافه وثقها
نفحة سجين وبين حر اللواهيب=جسمي ذبل والروح حتت ورقها
[/poem]

ارجوا انتقل مني تحياتي واحترامي

لهذا الابداع والوصف المشبع بالمعاني

وتمتم

ســـــــــــــــــــــــــــــــــــــــــــــــــ ــــــــــــواح

[align=center]صح لسانك ياشاعرنا

وأكيد ابو خالد أبن أجواد وابوه أحسن تربيته ويعمل بطبعة الحسن وما يمليه عليه ضميره

ومن حصل شيء يستاهله وابو خالد يستاهل هالمدح

وعتيبه أهل نخوه وحميه

أكرر شكري لك وللسيد ابو خالد اللي حصل العلم الغانم[/align]

مع ما تحمله هذه القصيده من وصف لحال قائلها ومع ماتحمله من قوة الأبداع

الا انني اتسائل لماذ اضطر الشقاوي لأن يلجأ للعتيبي مع تقديري له دون ان اعرفه فهوا بالتأكيد صاحب فزعه
ولكن السؤال هل يأس الشقاوي من الأقارب ومن شيوخ القبيله الذين وعدوه كثيرا

اتمنى ان اكون مخطأ

سواح هلابك شكرا لمرورك الذي زادني بهجه وسرور

الأخ العزيز أبوتركي ألف شكر على تعديل القصيد حيث ذاكرت الجوال محدوده ظمن النت
وتعليقك على القصيده أثلج صدري فتقبل تحياتي

البناخي أبو وايل أعلم أن الشقاوي لم يلجأ بقصيدته هذي ألا بعد ماشاف الجفى ممن ذكرتهم وقصيدتي وراها ألف سؤال
شفت الجفى من عزوتي والمعازيب == وقمت أتقلب بين بقعا وسلقها
كنتي باني أمال وطموحات وتلاشت شي ورى شي لحد لجوئي هذا
وأبو خالد هوسعادة اللواء محمد مسفرالعتيي مدير سجون الشرقيه
فأسندت عليه القصيده لأني شفت النون ومايعلمون

الشقاوي

صح لسانك

أدميرال صح بدنك

صح لسانك الشقاوي

ماعقب الضيق غير الفرج انشالله


تقبل تحياتي وتقديري