(( قصيده رائعه للشاعر عبدالله بن عبار العنزي ))

[align=center]الشاعر عبدالله بن دهيمش بن عبار العنزي
قال عبدالله بن عبـار هذه القصيدة تبلغ مائة وخمسة أبيات تحتـوي على مواعـظ ونصايح وحكم وعبر وحث على عزة النفس والأتكال على الله والسعي لكسب الرزق الحلال وعدم الرجاء والمسألة الا من الله
:

[poem=font="Simplified Arabic,4,white,bold,normal" bkcolor="transparent" bkimage="backgrounds/3.gif" border="groove,6,crimson" type=2 line=0 align=center use=sp num="0,black"]


مبداي باللي بقدرته تجري الأفلاك=عازل نهاره عن دياجيـر ليلـه
يالله يا مضفي على الخلق حسنـاك=يا منزل اللي يدهج القـاع سيلـه
يا مرسل الهوج العواصف ابشراك=غيث تغيث ابه العجاف الهزيلـه
يا حامي البيت العتيق من الأدراك=يا مهلك الطاغي وجيشـه وفيلـه
يا سامع اللي في دجا اليل نـاداك=يدعوك بأسماك العظـام الجليلـه
يالواحد اللي لك سجدنا وعبدنـاك=أنت البصير اللي امرنا ينتهي له
يالوالي اللي كـل مخلـوق لبّـاك=توحي صدى تكبيرهـم واتهليلـه
يالخالق اللي كل خلقـك ترجّـاك=تطلب حنانك يـا مزبّـن دخيلـه
يا فارج الشدات بالضيق ننصـاك=عليك تخفيـف الحمـول الثقيلـة
يا غافز الزلات لطفـك ورحمـاك=من لا رحمته خاب واعزتي لـه
يا مجيب دعوة من تضرع وناجاك=لا رب غيرك يالولي نلتجي لـه
يامن تجير الملتجي لـذت بحمـاك=بك استجير من الأمـور المهيلـه
يا رب ما نملك على الحول لولاك=أنت للطيف بحال من باد حيلـه
الطف بحالي يا ملك كل الأمـلاك=يا مشفي اسقام الجسـام العليلـه
اتوب لك يا خالقي واطلب أرضاك=وأعوذ بك يا رب من كل غيلـه
تغفر لمن يرجي ثوابـك ويخشـاك=حمل الذنوب بكاهله مـا قويلـه
يالعبد لا تشكي مصابـك وبلـواك=الا لمن كـرب الشدايـد يزيلـه
أرفع لربك سامك العرش شكـواك=ما ينفع المخلوق لو تشتكـي لـه
هو الحفيظ اللي يصونك ويرعـاك=وقت الحرج منه الفرج تحتري له
رب العباد لعقـد الأبـلاش فكّـاك=ماهي عليه المعضلـه مستحيلـه
أوجدك ربك خالق الخلق وانشـاك=من الطين اللي كل البشر تنتمي له
اغنم شبابك بأول العمر واصبـاك=قبل خضار العود يذبـل قصيلـه
وأن طال عمرك داير الوقت سّواك=مثـل القرنبـع لا تقـدم مديلـه
اطلب عظيم الشان يغفر خطايـاك=في يوم ما ينفـع خليـلٍ خليلـه
ربك على الطاعه بالأحسان يجزاك=ينجيك مـن نـارٍ توقـد شعيلـه
تب للولي واعدل مسيرك وممشاك=من سار في درب الهدا يهتدي له
اتبع هدى من وضح الدين واهداك=لا تقتدي بأهل العقـول الضليلـه
وعن رفقت الهلباج والنذل حذراك=من صاحب الخايب يحطه زميله
قرين سؤ إبليس مغويـه وأغـواك=عميل شـر ولا يربّـح عميلـه
خاو النزيه اللي على الطيب خاواك=ولا تخاوي الفاسد علومه رزيلـه
ترى حليف السؤ لو كان صافـاك=لا بد ينكر بك خبيـث الدغيلـه
يزرع على دربك منابيل الأشـواك=والشوك ما تجني الثمر من شتيله
الشوك ما كنّـك ظلالـه ولا اذراك=ولا تاجد اللـي يستكـن ابمقيلـه
وراعي النقيلي لا تعزه اليا جـاك=ما هو صديق اللي يجيب النقيلـه
غثك بنقل الهرج كوبـان واغثـاك=أقشر ضميمه ضمها فـي شليلـه
دهوى رفيقك بالنميمـه ودهـواك=بينك وبينـه شـب نـار الفتيلـه
والحاسد المنكود عده مـن اعـداك=اليا شافك بنعمـة تـزاود غليلـه
ضميره أسود والحسـد داي فتّـاك=حقده بمكنون الضمايـر يشيلـه
مدحك يغيضه كل ما جيب طرياك=وعليك يفرح بالخـزا والخذيلـه
حيثه يغـار ولا يسـوي سوايـاك=اليا طاب علمك بالعرب مارضي له
وقريبك اللي مـا يثمـن احميـاك=ويضد من ضدك اليا شاف عيلـه
اللي اليا جاء لازمه جاك ينخـاك=واليا بدأ لا زمك ما ينعنـي لـه
ترى الردي عند الملازيـم ينفـاك=لو هو ولد عمك من أدنا فصيلـه
من لا يـودّك لـو تبسّـم وحيـاك=يضحك وفي جوفه سوات المليلـه
لو بش بك ما يريد شوفك وحليـاك=يكره قبالـك لا تكـرر هضيلـه
كانه قطع حبل المواصل وجافـاك=اقطع احباله واخصره لا تجي له
ابعد عن اللي ما يبي غير فرقـاك=واللي صفالـك لا تّـدور بديلـه
صديقك اللي بحزت الضيق واساك=قريب لك لو هو من اقصى القبيله
أركن على الطيّب اسنادك ومركاك=يوقف معك لا صار بالوقت ميله
الحر كانه هـد بالصيـد عشّـاك=ولا الحمامه مـا يسـرك هديلـه
ولا تنخدع باللي تملـق وضاهـاك=يخدعك بسلوب الدجل والختيلـه
تراه ينصب لك محابيل واشـراك=يدرق لغرت صاحبه وايحبي لـه
لا تجامله حيثه على مقصد اغلاك=محتال يلعـب بالقلـوب الهبيلـه
تراك مهما جدت له خاب مسعـاك=مجهودك اللي تبذله مـا دريلـه
كان اغتنا يجحد جميلـك وينسـاك=ومن يصنع المعروف ينكر جميله
اليوم اللي بالكذب للسالفـه حـاك=وسط المجالس هرجته ينصغي له
ذرب اللسان اللي لعذب اللغـا لاك=توحي بلمات المحافـل صهيلـه
غرك كلام منمّق الهرج واغـراك=يجمخ وزومه ما تشيلـه تريلـه
يزوم كنه من سلاطيـن الأتـراك=ولا زبون الحرد حامـي الدبيلـه
واليا بخنته ما سوى قطف تنبـاك=فعايـل المثبـور عنـد الحليلـه
ابي انصح اللي عندهم فهم وادراك=ومن تاه بصره ما يفيـد الدليلـه
يا مستمع قولي عسى الرب ياقـاك=خذ من صمال الهرج صافي ذبيله
أسمع كلام اللي على الخير وصاك=قوله يحثك للشـرف والفضيلـه
يرشدك لدروب المكـارم وينهـاك=عن الدنس والعايـزة والرذيلـه
ياللي حطام المال عذبك واشقـاك=تركض وراه وكل صوب اتعدي له
دايم على البلغة تراقـل مطايـاك=تسري وتجري ما يونـي ذميلـه
تسعا تبي تملأ من السحت مخبـاك=ومن هان نفسه ما يحوش النفيلـه
المرزق اللي مصدره سحت مغناك=مثل السراب اللي بعينـك تخيلـه
وش الذي يا نسل الأجواد خّـلاك=تجهد على غربال مكـرم نزيلـه
يدفعك خطوالأجودي خوف من فاك=ويغريك تبحث بالعرب عن مثيله
ارفع عن الهزلات قصدك ومعنـاك=لا خير في رجلٍ تسّـول ابقيلـه
لا تجعل الحيلات منهج ومسـلاك=مقسوم رزقك ما تحوشـه بحيلـه
احفظ شرفك وعزتك واقصراخطاك=عن العلوم اللي تعقـب خجيلـه
وكانه نضب قطر الندى من محيّاك=من لا حفظ كرامته وش بقي لـه
أوصيك لا تدعس كرامتك بحـذاك=بيع الشرف لأجل التكسب فشيلـه
عليك بالعفه عسى المـال يفـداك=لا تجعل اسلوب الحرا لك وسيله
لا تجلب الشيمه ترى الناس تشناك=خل العواري مـا تفيـد النحيلـه
حافظ على منهاج جـدك ومبـداك=ياللي من شخوص الحمايل سليله
أن خاب فعلك زال مجدك وعليـاك=لو انت نسل اهل السيوف الصقيله
ما كل ملبس ياابيض الوجه يزهاك=الحر ثوب العار ما يستـوي لـه
الحيف ما يرهم لمثلـك وشـرواك=أرفـع مقامـك للهداف النبيـلـه
يمنعك عن ذل الحرا طيب مجنـاك=وترفعك عادات الجدود الأصيلـه
لا ينحني راسـك بتدنيـق علبـاك=غير الولي مولاك لا تنحني لـه
أكبح جماح النفس لا تخلف ارياك=لوكان ما تملك مـن المـد كيلـه
أقنع وعز النفس لو عـن دنايـاك=والرزق خلاق الخلائـق كفيلـه
لا تحتمل معـروف هـذا ولا ذاك=لو قـل مالـك والمـوارد قليلـه
من قال هات لكل من قال له هـاك=يصبر على المنة ونفسـه ذليلـه
وأن التزمت وجاير الوقـت وازاك=وجرت عليك من السحايل سحيله
أصبر ولو جار الزمـان وتحـداك=ما يقنط المسلـم وربـه وكيلـه
اعنزعلى اللي بالبحرقات الأسماك=والطير قاته من خشاش الخميلـه
لا تشتحن والرزق بيديـن مـولاك=رزقك على مغيث البلاد المحيلـة
الرازق الوهاب من مـده اعطـاك=رب الملأ معطي العطايا الجزيله
ما هو لبابه دون ناصيـه صكـاك=فضله عميـم ولا يدينـه بخيلـه
ما دام ربك سامك العرش عافـاك=اسلك طريق الرزق واسع بسبيله
وأن كان ما تقتات من كـد يمنـاك=الناس مالك من وراهم حصيلـه
ما يشبع الجايع لحاويس واحكـاك=ولا يروي الظامي حثال الثميلـه
الرس نبعـه مـا يـورد ظمايـاك=من يارده ما اظن يمـلأ صميلـه
والحسو مهما جم بالقيظ مـا ارواك=يغور جمـه لا يغـرك نضيلـه
أوصيك لا تغتر بسحـوت دنيـاك=قارون زال وزال ملكـه وجيلـه
لا تأمن الدنيا ترى المـوت يقفـاك=العمر يفنـا بيـن ساعـه وليلـه
تسير بك غبـر السنيـن لمنايـاك=ومن طوّل المنزل لزوم رحيلـه
لابد مـن يـوم عـذاراك تنعـاك=ولا بد ما تـردم عليـك النثيلـه
وآخر مصيرك يحملونـك لمثـواك=مهما تعيش من السنين الطويلـه
واختام ما سجلت بسطور الأبـواك=صلوا عدد قطر المزون المخيلـه
على الرسول اعداد ما طاف نسّاكوعد الرمال اللي الـذواري تهيلـه

__________________[/poem][/align]

[align=center]الف شكر على هالنقل الجيد

هل بالأمكان أرفاقها كملف صوتي [/align]

ما يشبع الجايع لحاويس واحكاك
ولا يروي الظامي حثال الثميله



صح لسانة
وتسلمين اختي

هلا وغلا أخوي عبدالعزيز

العفو أخوي

مافهمت سؤالك ممكن توضح أكثر

تقبل تحياتي وتقديري

هلا وغلا أخوي فريح

يسعدني مرورك على متصفحي

كل الشكر لك على المرور

تقبل تحياتي وتقديري

المشاركة الأصلية كتبت بواسطة بنت أبوها

هلا وغلا أخوي عبدالعزيز

العفو أخوي

مافهمت سؤالك ممكن توضح أكثر

تقبل تحياتي وتقديري

[align=center]
شكراً لأهتمامك

برنامج الريل بلير Media Player

سبق وان أوردتي التجربه لقصيده لسليمان المانع

أكرر شكري وتقديري مع أطيب الأمنيات لكي بالتوفيق[/align]

الف شكر على هالنقل الجيد

يعني عبدالعزيز صاير سوداني ومنطبقه عليه ماذكره اخونا مطخطخ بموضوع عطلة نهاية الأسبوع في السودان

بأختصار تعبان او متماهن لايقرأ القصيده يبيها مسجله ويسمعها

الكبر شين يابو تركي

يووووووووووه نسيت يابنت ابوها ان اشكرك على هذا النقل الله يعطيك العافيه خيتي العزيزه

ياليت والله أخوي عبد العزيز

ماكان بالامكان


عموما احاول اذا حصلت من عيوني

تقبل تحياتي وتقديري

هلا وغلا أخوي الوايلي

العفو اخوي

كل الشكر لك على المرور


تقبل تحياتي وتقديري