نجاح والقذافي

البقا لك يا زعيم قصيده للشاعر الكبير ســـّداح بعد مشاهدته برنامج (( دانات )) الشعري

والذي تقدمه نجاح المساعيد وكان الضيف معمرّ القذافي...

وقد بدأت نجاح المساعيد الحلقه بقصيدة مدح للضـــــــــيف

كان مطلعها عنوان هذه المشاركه ..



وهذه قصيده شاعرنا بعد إقتباس الشطر الأول من قصيدة نجاح المساعيد الثـوره الليبيّـه ) = يا المهيب المستهيب الوافي المستافي

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]



أبدعت بنت الحلال وصاغـت القافيّـه = وأبتسم حضرة جناب معمّـر القذافـي
سلهمت والعين فيها خلطـة ٍ سريّـه = بين رمش ٍ مستفيق وبين رمش ٍ غافي
يا ماشاء الله يا نجاح الساحه الشعبيّه = تمدحين وترزحين ولا عليـك إخلافـي
والقصيده لـو نقـول بيوتهـا قطيّـه = كثرّ الله خير قوم ٍ يبدعـون القافـي !
راسك المعصوب والدرّاعـه العاريّـه = هكذا ما تقتضيه المصلحه يـا كافـي
تجمعين من الخليج العملـه النقديّـه = دوّري لك فالمحيط الأطلسـي صرافـي
قدّمي ( دانات ) وأنتي فالبحر حوريّـه = وكل دانه من يدينـك لونهـا شفافـي
كبّروك وصـوّروك بمحـزم وجنبيّـه = وأستلمتي ورث أبونا والسنين عجافي
ما بقا الا تعتزيـن وتنطحيـن الهيّـه = كل بادي ليل رجلك تبـدي المشرافـي
لو ما حققتي جميع أحلامـك الورديّـه = الوكاد أنـك سنافيّـه وبنـت سنافـي
الله الله .. واحليل الشاشـه الفضيّـه = ما بقا في عرضها شي ٍ علينا خافـي
يا معمرّ من يضيفك .. ضافته جنيّـه = والله أنك لا تضيف ونقص ماتنضافـي
لعنبو شعر ٍ تعرفه يـا زقيـم الحيّـه = الأديب اللي سواتـك منطقـه ينعافـي
من كبر راسك ما تلبس غتره وطاقيّـه = تنفض الشوشه وحظّك طيّب ومتعافـي
تحكم الشعب المعنّا بين شمس وفيّـه = وتحسب أنك فالمواقف تحكم الميقافـي
من ثلاث عقود حسب السيره الذاتيّـه = بارد ٍ وجهك ورابض فالمراح الدافـي
يا الله أنّـك لا تسجلّهـا عليّـه سيّـه = مير مدري كيف يحكم كاهن وعرّافي ؟
لا قضيتي من زعيم الثـوره الليبيّـه = أستضيفي يا نجاح .. محمد الصحّافي








lمـــــــــنــــــــــــــــقول من شبكة ويلان العربيه[/poem]

الله يعطيك العافيه ياخالي على هالقصيده والله مادرى القذافي وش قالت
وصح السان الشاعر والله انه ابدع

يانجاح الشعر ماضنه يكون اهنبه -------------- والله انه مادرى وش قلتي القذافي
ذولا شعبا يسمون اشعر غنيه ---------------- وش ايعرفهم ياخليجيه ابدع القافي
احذري يابنت من ريس الجمهوريه ------------- لايحطون البلا لك ابوسط الكافي
صا فطله على راسه تقل زوليه -------------- الله يستر لايكون استعجل او---
ولياخلصتي من مقابلة ريس الجمهوريه -------- دوريلك لقا لوهو مع بديع الصافي



حبيت اجاري صاحب القصيده

فاضي عبدالعزيز شكرا على النقل الرائع