الطريقه الرائعه في كسر خشم المرأة

الطريقه الرائعه في كسر خشم المرأة




خطر في بالي يوم اني اخربها واشكم المره مع انه في عمره ما جا منها شي يزعلني او يضايقني وهذا اللي قاهرني المهم بغيت اتعنتر بدل منا عنتر خلقه كذا واشوف وش مخلي بعض ربعنا تضربهم ام الركب لاسوا شي يغضب المرأة او يزعلها وقلت بشوف لي شي يغضبها عشان لاقالت هاااا قلت لها انطمي (( انطمي على وزن لبيه ))وعقبه بشوف وش بتسوي وكيف ربي معطي هالظعيف قوة عشرة رجاجيل وبيني وبينكم حبيت اشوف من كثر ماشوف الخوف على وجيه ربعنا يوم اللي يتاخر عقب الساعه عشر عن البيت. وتبدا علامات القلق باينه من وجهه في المجلس وجالس يناظر الاتجاه المعاكس كنه وجه لوجه مع المره ويجلس يقرض في اظافره ماهوب عارف كيف يرد عليها وفي نفس الوقت يناظرنا وده يقول استئذن بروح ومستحي منا ووده يقول بروح وطز في حضرتنا من هول ماراح يشوف لارجع للبيت وقابل وجه احلى يوم شافه فيها يوم زواجه منها.

انا اذكر رفيق لي يقول وربي يا رفيع اني اوقف في وجه عشرة رجاجيل واتصارع معهم لو موتي علي ايديهم ولا تهتز لي شعره واصير كني قطو منفش شعره خوف لاشفت المراه مبحلقه عينها علي (( اخس نسيت وقلت انك رفيق ))المهم ان الرجال تجيهم رهبه من زوجاتهم حتى لو تظاهرو بعكس كذا ومهما حاول يخرج من جلباب زوجته لقا جلباب الاصيل والدفه يتنافسون على لبسه المهم بغيت اشوف قلت تجربه ومنيب خسران شي (( لا ابد منتب خسران غير ثلاث زراير فوقانيه وفراغ في العوارض الشماليه وبقايا شارب رجال )) وجيت مره وقلت لها انا افكر اتزوج ثانيه وش رايك (( طيب وش رايك انت تطوف هالمقطع خل المقالة يصير لها نهايه )) المهم نرجع لربعنا صراحه ماشلتني رجلي اني اتخيل اقولها كذا ابغا ابقا محترم في عينكم وعيني ..المهم ان المره اخلقت لنفسها كيان في داخل بيتها بدون لاتحاول هي تخطط له قبل الزواج ولا تقصده جا كذا بالفطر انها تتسيد الاسد في عرينه وتحاول انها تفرض سيطرتها على مملكتها وتحاول بشتى السبل والطرق في حماية هذي المملكه من طمع الطامعين وكنها جهاز استخبارات وخارجيه وداخليه ودفاع يعني مجلس وزرا في داخل مره او بالاحرا جهاز دوله في داخل امراه ..

اذكر ان اخر الرجال المحترمين واحد اعرفه فكر يتزوج ثانيه فا جا لزوجته يبغها الخبر الا مسئول ذا وقالها انا بتزوج ثانيه وحبيت بس انه يكون عندك خبر فا بحلقت فيه وناظرها بعيونه المنكسره وقال وهو مبتسم صدقتي ؟ امزح .قالت له وهي ضايقه شوف شيئين ابغاك تعرفهم اول شي انك حقي يعني ملكي(( طيب خشيه بالكبت )) ولا اقبل ان تجي وحده ثانيه وتاخذك مني كذا جاهز ثاني شي يوم تفكر (( ماظن يفكر ماهوب كفو )) ورقة طلاقي قبلها المهم رفيقنا ذاا قام يراضي فيها ويحاول ينسيها الخبر منيل اللي مدري كيف ظهر من حلقه وقام يراضيه قبل لاتنام ويصحيها على ابتسامه صفرا وكنه يقول بليييييييزسامحيني ..الله يذكر نبيل شعيل بالخير يوم سوو مقابله معه مره وقال انا كل صبح لاقمت من النوم اجي اقوم زوجتي بغنية صباح الخير يا مدلل (( وربي يا نبيل لو اني زوجتك اني لاكفخك بالاباجوره اللي على كومدينة السرير حسبي الله عليك فوق كوابيس الليل تجيني انت في النهار )) المهم ان المرأة طريقة شكمها سهل جدا اصلا اكثر مخلوق يسمح لك تداعب احساسه لو بالكذب هي المراه لنها القوي اللي مليان نقاط ضعف القوي اللي ينهار من اول كلمة احبك المراه نموذج الطهر الخفي في داخل الخبث الخاشي على مملكتها تكون أنبل مخلوقها في الكون يوم يكون البيت مستغر والرياح هاديه ولا احد قرب من مملكتها وتكون اعنف من قاذفات البي تو 52 الامريكيه واعنف من فك الاسد في مضغ فريسته يوم اللي يقرب من مملكتها واقصد زوجها وبيتها وهذا ردت فعل طبيعيه والله سبحانه خلق جميع مخاليقه واعطاهم مصدر قوة واضحه الا المراه قوتها العظيمه خفيه الوحيد اللي قادر على اخراج هالقوة هو الزوج والوحيد اللي قادر على طمسه ايضا الزوج .



نصايح للرجال الراغبين في شكم المراه



1_ اجعل الابتسامه مفتاح دخولك البيت (( يعني لاتخليها فوق شينك قوات عينك ))

2_حول دايم تناظرها بعيون مبهوره (( يعني فهمها انك معجب بطريقة مكياجه وتصفيف شعرها الليوم وكل يوم يا ويلك لو قلت وراك كاشخه لنه في النهاية سؤال غبي فيه غيرك في البيت تكشخ له؟؟))

3_ حاول انك ماتستخدم كلمة ايوه ولا استخدم الكلمة البديله انشالله (( لن كلمة انشالله تقدير استطاعه وغير كذا يهد 60% من اللي في راسها ))

4_حاول تداعبها بين فتره والثانيه لنه في المداعبه تطهير لكل زله جات منك لها مثل الوضوء قبل كل صلاه

5_ احرص على عدم ذكر أي أمراه اخرى قدام زوجتك (( يعني لاتنسى عمرك على قناة ال بي سي وتقول قدامها مزين هالبنت وربي يا ذيك الليله انك خرجت من الحزام الامني ودخلت في مراحل متأخره من صفق وجهك ولابدل لاتقول لها يا نورة قومي جيبي لي شاهي تقول لها بالله يا روان عطيني المويه وعقبها ليلتك ذيك الليله السمرهديه اللي ماظن عقبها بتلقا سنون تهرس ابها السمبوسه ))

6_ حاول كل ماجيت تدخل البيت تقول كلمة اشتقت لكم كثير (( يعطي المراه احساس انك كنت تفكر ابها في عملك او في غيابك هالفتره البسيطه وصدقني يعطي الزوجه احساس بالاهميه وهذا يسوى عند الزوجه الدنيا وما عليها

7_حاول بين فتره وفتره تقولها احبك (( لن هالكلمه لها إقاع رهيب في داخل قلب الزوجه والزواج في آن واحد يخلق احساس دافئ بالطمئنينه بين الطرفين

8_حاول دائما بين فتره وفتره تدخل معها المطبخ حتى لو تسولف عليها ماهوب شرط تساعدها (( لنك في النهايه عكس فكرة الرجل العنجهي والمتسلط والمتكبر على أعمال المراه وهذا يعطي الزوجه انطباع جيد وثقه في آرائك (( وبعد شي ثاني منيب قايله جرب وبتعرف

9 _اول توفر الماده قدر استطاعتك واذا قدرت بين فتره وفتره تطلبها مبلغ رمزي انت اصلا منت بحاجته يكون افضل (( لنك في طلب الفلوس منها تعطيها احساس عظيم انه مافيه فرق بينكم وانكم تكمله لبعض وانك (( اقصد الزوجه )) مثلك مثلي في تحمل أعباء المنزل حتى لو ماهوب حقيقي بس لاتحاول تهمش دورها في البيت والصرف عليه

10_ذا كان عندك اولاد لاتحاول انك تدلعهم بدون لاتذكر لها فضل بعد الله في انجابهم لاتحاول تفهمها انها مجرد ولاااده حاول كل مالميت طفل تناظرها بعيون راضيه (( لنك في الاخير تعطيها انطباع الزوجه اللي انجبتها وبفضل الله ومن ثم جمالها لن احساس المره دائما كذا يحاول يوصلك فكرة انه لولا الله سبحانه وجمالها ماشفت اولاد حلوين زي كذا وطبعا هي تستحي تقول حاول انت تسبقها وتقول هالكلام العظيم اللي بيخليها ترتفع مترين ونص عن الارض .وغير كذا لانحاول تدلع الاولاد كثير قدامها لنه فيه بعض النساء وليس جميعهم يغار من هالتصرف .

11_ حاول تستشيرها في بعض امورك الخاصه حتى لو انك منت محتاج استشارتها لكنك بتصرفك هذا تعطيها اهتمام وغير كذا ممكن يكون باب لك في فتح الباب لشتارتك في امور ممكن يتم علاجها قبل تستفحل

12_ لاتحاول تذم في أي فستان تلسبه اومكياج او عطر حاطته او تعيب فيه لنك في النهايه تعيب وتذم في ذوقها واللي ممكن يخلق الاحباط في داخلها ويجعل حياتها بدون هدف وفي النهايه هي يوم تزين اتزين لك يا دلخ

في النهاية طرق شكم المراه كثيره و اجملها لا ضاقت عليك وقلت لها قولي آآمييين وقالت آآمين وهي متوقعه تقول لها الله ياخذك تظهر منك كلمة (( احبك ))
ملطووووووووووووووووووووووووووووووووووووووووووووووو وووووووووووووووش

أرجو منكم يالبنات ماتزعلون علينا

والله أن المرئه أشرف مخلوق على الأرض نزل فماذا فعلتم يارجال العالم الطاغي أو شي أبناء موسى عليه السلام لازالو يقتلون 2أبناء عيسى عليه السلام يصنعون الأذى للقتل والأذى 3أمة محمد هاهي بنت قصر بلقيس فوق الحرم المكي أين الصح يارجال ياطغات العالم وصلتو لحد عبادة المال ليس الله ماأجمل أن تموت وأنت تقول حقيقة هذا العالم القذر فقوت الرب أكبر من أي قوه قيمة الفقير بين العالم لاتساوي قيمة كفنه

[align=center]

المشاركة الأصلية كتبت بواسطة طلال الحسني

الطريقه الرائعه في كسر خشم المرأة





انا اذكر رفيق لي يقول وربي يا رفيع اني اوقف في وجه عشرة رجاجيل واتصارع معهم لو موتي علي ايديهم ولا تهتز لي شعره واصير كني قطو منفش شعره خوف لاشفت المراه مبحلقه عينها علي (( اخس نسيت وقلت انك رفيق ))

خوش رجل والله

بس أنا أتوقع أنه يحترمها
ههههههههههه

مشكوووووووووووور يالحسني
على الموضوع [/align]

شكرا على هذا الموضوع الطريف

[align=center]

انت الحين انحطيت في البلاك لست[/align]

الأمرئه ذات عاطفه وحنيه ورحمه أكثر من الذكر أنظرو لبناتكم كرجال وأمهاتكم كأطفال فأيهما أكثررحمه الذكر أم الأنثى

[align=center]أخوي

طلال الحسني


يعطيك الف عافيه على هذا الموضوع[/align]

في ناس يبيلهم كسر خشووم