قصتي مع الخدامه قصه حقيقيه

يخواني قدر الله علي يوم من الايام باني اتحايل على مكاتب الاستقدام واوفر قال اوووووفر !!!!

في عندنا بلاستراحه هندي اسمه علي والاستراحه المجاوره فيها خال علي الهندي اسمه باشاه فقال لي عاملنا خالي يبي يسافر يابو مشاري وشرايك ترسل معه تاشيرة الخادمه ويجيبها لك قلت والله زين خله يمر علي بعد العصر بالاستراحه ارسل عليه وجاني العصر ايوه بابا انت شنهو عندك انت شنهو يبي انا في يجيب قلت ياباشه تكفى ابي هنديه مسلمه طرقا حلوه راعيت بيت قال شوف بابا انا في وحده شغل اول كويت ميه ميه يعرف يسوي قرصان جريش مطازيز سمك قهوه شاي كلو يعرف واجد ززززيييين والله
قلت تكفى لاتروح علينا المره قصدي الشغاله سافر باشا برعايت الله بعد اسبوع قال ارسل التاشيره وسولي وكاله باسم مكتب في بومبي قلنا زين رحنا وسوينا الي هو يبي ثم ارسلناها عن طريق البريد الممتاز بمساعدت هندي الاستراحه بكتابت العنوان اكتب ياعلي وزين الخط لاتروح التاشيره ثم نفلس من ذىالمره قصدي الشغاله ياعلي متى توصل اوراقنا للهند قال بابا خمسى يوم اخر اخر سبعى يوم قلنا زين
عندي رقم باشا في حدرباد بالهند دقيت على الهاتف ردت زوجت باشاه لاتتكلم عربي ولانجليزي ايه ايه ورطنا باشا سعوديه عريبيه باشاه مافهمت وشتقول ولاهي فهمت وش اقول ربابه عند ذيل بعير قفلت السماعه وجيت العصر ادور القهوه بالاستراحه وليامار علي مزبط الفنجال الي يقعد الراس ايه ياعلي اليوم اتصلت بالهند وردت زوجت باشاه لاهي تتكلم عربي ولاانا اعرف هندي 0قال شوف بابا انت لازم يعرف شوي هندي0 قلت وشلون ياعلي قال انت قول باشا هي ناهي جكن مرقي0 يعني باشه موجود ولاغير موجود 0 قلت اقهركبالله هههههههه
اذا في نفر موجود هي تقول لك هي باشا واذا غير موجود تقولك باشا ناهي جكن مرقي ههههههههه
والله الورطه يقول علي الهندي شوف بابا لازم في انت كلام شوي هندي بعدين يصير واجد زين
المهم رجع باشه لبيته وقالتله زوجته في واحد كلامه غير مفهوم اتصل فعند ذلك عرف باشا اني اتصلت
فقام بالاتصال بي ها ابو مشاري انت يتصل قلت ايه وينك وشسويت بالشغاله قال هذا ورقه انت يودي مافي فايده 0 قلت شلون قال انت لازم يروح حكومه يسوي وكاله حق حرمه شغاله هي في يستخدم نفسه في نفسه رحنا المحكمه وقلنا لشيخ نبي وكاله قال الشيخ يولدي وين التاشيره قلت بالهند قال جبها لي ونسويلك وكاله مايصير ياشيخ الصوره تمشي الحال لا ياولدي لازم الاصل لاحولله ياالله يعلي اتصل باشاه وقله يرسل التاشيره بالبريد 0 اخبره وقاله ياباشا اسرع بارسالها على البريد الممتاز وكل يومين ثالث اسئل علي ماوصل المكتوب يقول علي الله كريم عشره يوم يوصل وقبلها عشره يوم راحت للهند صار عشرين يوم وانا مابين وده وهاته وصلت الرساله فعلا بعد مضي عشرة ايام 0
فذهبت للمحكمه وقلت ياشيخ هذه التاشيره سولي وكاله 0 سويت الوكاله وجبتها للهندي علي قم نروح نرسلها بسرعه مشان تجي الشغاله بسرعه هذا الكلام كان في شهر 3\1427هـ ارسلنا الرساله عبر البريد الممتاز ورجعنا 0 هاياعلي تتوقع متى توصل الرساله قال بابا انشاءالله اسبوع اخر اخر عشره يوم
الله كريم ياعلي هذه الارساليه رقم 2 0 بعد اسبوع اتصلت ردت امرئه على طول قلت باشاه هي جكن مرقي ناهي قالت الحرمه باشاه هي هي فكلمني باشا اهلين ابو مشاري كيف ولد كيف سياره كيف استراحه علي كويس وايد زين قلت كلهم بخير من الله ياباشا ياحبيبي بس وشصار بموضوع المره قصدي الشغاله قال والله بابا انا يروح مكتب انشاءالله اثنين يوم انا في كلام انتا 0قلنا هافمان الله 0 مرت الايام وجيت ادور القهوه كعادتي بالاستراحه وعندما صبلي الهندي علي قال والله يا ابو مشاري باشا كلم اليوم 0 اها فرحت وكلت عسى خير مشت الخدامه يمنا قال لا مافي خلاص هذا باشا يقول اوراق مافي فايده لازم انت يودي ال بيسي
في رياض وشو ال بيسي قال حكومه هنديه 0 قلت لاحول الله يعني انا يودي سفاره هنديه بالرياض قال ايوه لازم يسوي توقيع 0 قلت قم ياعلي نتصل باشاه يرسل الاوراق لنا بسرعه اتصلنا وقلنا ارسل الاوراق ورجعت للاستراحه 0 ياعلي كم يوم يبيلها توصل الاوراق لسعوديه قال كعادته اسبوع اخر اخر عشره يوم 0 وصلت بالفعل بعد مضي عشرة ايام فذهبت الى الرياض فقابلت احد الاصدقاء فقال وشعندك قلت بكره ابي اراجع السفاره الهنديه لتوقيع عقد بشان الخدامه فاجئني قال غن ياليل ما اطوووولك ليه يبه قال حكايتي حكايه مع السفاره الهنديه شلون قال بكره تشوف عند المراجعه 0 قلنا يسهله الله اصبحنا واصبح الملك لله راجعنى لسفاره يبه هذا في نفر انا في يجيب في انا شغل خدامه هز راسه ابو هنود وقال انا في معلوم كثير نفر سعودي قلنا زين خلصنا قال انت يجلس جلسنا وسحب الدرج وطلع مجموعت اوراق قال انت يسوي ورقه توقيع من شغل انت راتب شرطه عمده كلو خلاص انت يجي 0 ياحليلك ياباشه والله الي تورطنا رجعت يم الرجال الي امس قالي بكره تراجع وتشوف يابو يزيد تكفى لاتخليني يالاجودي وش اسوي قال شوف وقعها من مؤسسه ثم الغرفه التجاريه ثم الخارجيه ورح يمهم معك تعريف والراتب لازم عشرون الف ريال هههههههه ياليل ما اطولك موافقت زواج مهي هنديه مروحه كل راسه زيت 0
سوينا كل الي طلبوه بعد جهدن جهيد فعندما اطلعوا على جميع الاوراق قالوا المره قصدي الخدامه عمرها صغير ماتمشي الحال لازم العمر اكبر من ذلك 0000 لاحول الله وش السوات قال لازم انت يشوف خدامه عمر كبير مافي انت يشوف وحده عمر 35 سنه هذا مافي كويس بابا0 ابك والله ما حصلنا غير ذي المره تعرف تسوي مطازيز وجريش وسمك0 قال شوف بابا مافي هذا انا يسوي ورقه روح شوف منه منه
وانا اجيك معود على رفيقي ياولد القصه كذا كذا والعمل قال في واحد هندي اسمه رفيق يعرفهم قلنا تكفى كلمه لنا قال بكره اكلمه جاء بكره وكلمه قال انا في معلوم كلو نفر بس شوف بابا انا في سبع مائه ريال انا في كلو خلاص ميه ميه قلت يعني رشوا قال لا مافي هذا حق تعب واجد انا روح انا يجي انا في كلام منى منى 0 اعطيته الاوراق و700 ريال يالله يرفيق من باشا للرفيق رحنا طعوم ما اني قايل 00
بعد مضي 4 ايام اتصل فيني رفيق شوف بابا هذا مافي فايده انا والله في نفر اول كلو هوا خلاص بس هذا نفر شغل سفاره يمسك حكومه بعدين في يسفر هند 0 لاحول الله كل ماطقيتها مسكره ولامسكوه غير يوم اني جيت بوريقات هالمريه الشغاله يالله عسى خير 0 ومضت الايام واتصل برفيق مره ثانيه والحل قال شوف انتا يقدر يشوف صوره جواز خدامه ثاني عمر كبير منا منا 0 قلت ابك وين احصل
قال انت يشوف انت يجيب انا في يسوي 0 المهم بحثت لين وصلت عند اجودي عنده خدامه عمره 48 سنه وجلبنا له صوره وبعدين حط صورة الجوازبدل من المريه القديمه وقال انا في يوقع بعدين يشيل صوره حرمه كبير قلنا بس وقعهن بقريح المهم بعد يومين مدري ثلاث ولارنت الجوال منهو رفيق ابشر خلاص الاوراق توقعت الحمدلله الحمدلله تسنعت الامور0
ذهبت كعادتي للاستراحه العصاري والاوراق معي يا علي قال لبيه قلت ابشرك الاوراق توقعت بس اضبط العنوان وقم نروح للبريد الممتاز علما بان باشاه ازعجنا كل يوم يقول المريه تنتظر طولتو علينا بالاوراق قلنا جايتك الاوراق بالطريق 0 تم ارسالها للهند وبعد عشرة ايام وصلت الاوراق وانتظرنا اربعة ايام وكعادتي قمت بالاتصال فردت زوجت باشاه 0 باشا هي قالت ناهي اغلقت السماعه ومازلت اهوجس
وذاك يوم يتصل ويقول الاوراق وصلت بس شوف بابا مافي فايده هذا انت يحط اسم كيرلا وهذا نفر حدرباد قلت امسح اسمها وحط مرتنا الي نبيها قال انا يبي يشوف ترتيب مع مكتب كيف يشيل اسم نفر هذا ويرجع اسم مال انتا 0 قلنا تكفى اخلص علينا 00 مضت الايام لايوجد اي خبر ماذا عملوا وماذا سوو ا
قمت بالاتصال فلم احد يجيب رن رن رن رن اغلقت السماعه ذهبت الى الاستراحه ياعلي جاك خبر عن الخدامه قال والله مافي نفر كلام بس في صديق يقول تاشيره انت واجد مشكل 0 هذا يودي يم كثير مكتب مافي يسوي انت لازم يرجع اوراق ويسوي ورقه اسم خدامه اول 0 لاحول الله ابك وتعبنا والشهور الي راحت قال انا اليوم في كلام باشا شلون في ترتيب كيف كلام ههههههه ابك اسئل واعطني خبر قال الهندي علي بس انا مافي ابو مشاري شحن جوال مال انا 00وانا ازرقه بميه شحن روح يا علي وجب الخبر 0 ومضت الاسابيع مافي اخبار لازم نغير اسمها بالعقد الي كل الختوم حطيناها عليها من المؤوسسه للغرفه التجاريه للخارجيه للهنديه 00000الخ
وانا كعادتي ذاهب ذاك العصاري للاستراحه ابي اضيع الهموم رغم اني من اشوف القهوجي علي تفطن واتذكر المريه الشغاله 0 وبالصدفه يكلمني واحد ويقولي في سوداني بالهند عنده مكتب ويزبط الامستحيل المستحيل المستحيل ياولد وينه قال بكره بعد بكره اجيبلك اخبره ومضت الايام وانا انتظر الفرج 0
وذاك يوم يتصل علي الشخص ويقول ابشر جبته لك قلت وشو الخدامه قال لا السوداني اسمه علي يسوي المستحيل وهذا جواله كلمه 0 وفورا اتصلت به رن رن 00 رن الوه الوه اسلام عليكم ورحمة الله وبركاته 0 وعليكم السلام ورحمة الله وبركاته الاخ علي نعم مين معاي يااخي اي اصلو زاتو تفضل0
فقلت انا فلان من طرف فلان فقال اي يا اخي اهلا وسهلا اي اي شنهو مشكلتك فاخبرته بما حدث من طق طق حتى النهايه 0 فقال اي اي حاسويها لك بـ3000 الف ريال بس ارسل لي وكاله من المحكمه اييي
اليه نرجع من جديد للمحكمه 0 المهم ذهبت وعملت له وكاله وارسلت الوكاله مع الفلوس قال يازول حتوصلك الخدامه بعد عشرين خمسى وعشرين يوم اي ايا قلت والله يزول رجال يسوي المستحيل
لا الشغاله سبوعين يمكن تجي ومضت الايام واقبل علينا رمضان وموضوع الخدامه عالق من شهر 3
المهم ويرن ويرن الجوال ولا السوداني الوه الوه اي انا اصلو من امس ياراجل احاول اكلمك اي
فقلت بشرني وشصار بالخدامه قال خلاص يااخي اشرنالها وختمنى لها الجواز بالتاشيره اصلا هي جاهزه
الحمدلله الله يبشرك بالخير ابي ابشر ام مشاري وانا اتصل ابشري بالهنديه يا ام مشاري قالت تبشر بس والله ماضنتي ياكثر المواعيد من شهر ثلاثه وحنا الان في 7 من رمضان يرجال قدم على غيرها واطلب الله يعوضك0 قلت ما عندك سالفه الزول يقول خلصنا تاشيرتها من السفاره بس باقي الحجز انتي تبربرين على الفاضي قالت زين زين نشوووف السوداني ومضت 4 ايام ولا الجوال رن رن منهو السوداني قال استقبل الخدامه يوم الجمعه مغادره الهند قلنا زين الحمدلله خلاص هذه جايه بالطريق 0
لاكن اخبرني كم الساعه توصل يازول قال انا ذاهب معها بكره للمطار بس تغادر حملك ميسكول
قلنا خير جاء بكره والا يتصل ويقول الشغاله مسكوها في المطارفي قضية تزوير والان الطياره طارت وهي مسجونه في المطار وسوف يحولون معاملتها للشرطه و اللمحكمه ويبيلها شهور وهي الان في السجن 0 وكل عام وانتم بخير 0000 سوف اكمل لكم قصتي بعد مراجعت مكتب الاستقدام بتعويضي
تاشيره ثانيه 0
والله قصه حقيقيه وجرت معي ولدي اثباتات بذلك 0

[align=center]أخوي


حصان الرجيله


والله انسجمت مع القصه والله يعينك انت وباشا من جد مسخره

ولا تنسانا بالقادم

كل الشكر لك أخي الكريم على ماقدمت

تقلد أحترامي



رمضان ... كريم .... وكل عام وانتم بخير [/align]

القصه هذه احصلت مع الخال الدكتور احمد عيدان وهو عضو بالمنتدى

لكن ابو عمر اختصر المسافه من قالت له السفاره الهنديه خذ الأوراق هذي وعبها
اختصر المسافه والغى التأشيره

التغيير في الشروط من المفروض تعلن عنها الحكومه السعوديه هنا ويوضع هذا الأعلان بمكاتب الأستقدام

لأن المواطن مايعرف ان شروط الهند لازم موافقة السفاره الهنديه على استقدام الخادمه

اخواني خففتو علي من معاناتي مع الخدامه في مروركم الكريم

مشكووووووووووووور على القصه صراحه تعطيك جو غير طبيعي والله يعينك

[align=center]الله يكون بعونك شنو هالحوسه وعوار الراس

بس ماعليه الواحد يتعلم

تحياتي[/align]

الله يكون بعونك وراك ماخبرتني


قصة من قصص الف ليلة ولية ههههههههههههههههههههه


بيض الله وجهك



رائع بالسرد سرد القصة لكن هالمرة المخزن كلة هههههههههههههههههههههههههههههههههه

[
[a7la1=999900][all1=00CCFF]all1][/a7la1][all1=CC3366]ماعليش اخوي سيف قاعد اجرب التنسيق تحملني اشوي [/[/all1]

[all1=0066FF] ســــــــــــيف

مشكــــــــــــــور اخوي على كل شئ تحياتي لك

على خير نلتقي[/all1]