(( بيتين شعر حلوين ))

[align=center][align=center]
(( بيتين حلوين ))




خلاص بنسى واعترف بأن الهوى اللي اختارني ** واكون أول من هدم دار الغلا وشعوبها
وانا.. أنا أعوذ بالله من أنا ..ماصابني ** إلا اختبارِجاي يمحي المعصيه وذنوبهــــــا

( طلال الشامسي )



على كثر الحروف اللي كتبت وكثر أشعاري ** تعبت ولاقدرت اكتب في حبك شطر يا أمي
يا أمي إعذري حرفِ كتبته بدمي الجـــاري ** حروفي أدري ماتوفي ولو كان الحبر دمـــي

( أماني السماني )



قالت وهل اخفي غرامــــــــي واخبـــيه *** غيرك فـــلا يســـكن بهالقلب ثانـــــــي
قلت اصدقيني القول ... قالت ياربيــــه ** مبروك ... منك ( يوووه ) وش كثر أعاني

( مبروك بن ماضي )



ليت لوتقرا الرساله لي من احساسي تجي لك ** كان تعرف وش مكانك في حياتي ياحياتي
أنت اصلاَ نبض قلبي .. في شراييني نزيلك ** بين اقواس الحنايا تحت ضلعيني في ذاتي

( ناصر بن يروان )



الزمان ارزاق والمؤمن قنوع ** يحمد الله عند شر وعند خير

يالضعيف انت القوي مهما تجوع ** من بنى بيت الغني غير الفقير

( منادي )



حد يسخي بالمشاعر مثل هتان السحابه ** وحدٍ لو مهما عطيته جاحد وطبعه أناني
كلٍ بطبعه ســـلوكه .. وكلٍ بنيته حسابــه ** ومن يغيب يغيب خله .. باكر يرده زماني

( محمد بن خادم الكتبي )



اخترت عدلك لي بدا والظلم والزيف ** واخترت ظلم ايامك اللي عدوني
ياظالمه .. في الحب مايجرحك سيف ** يجرح سواد عيونك اللي أسكنوني

( سلطان العميمي )




لاطاح قلبي ميتٍ فيك خليه ** ياحي قلبٍ طاح .. ياحي هالموت
ماقلت احبك لاجل وقتي اسليه ** لا والذي نجى نبيه من الحوت

( أنور المشيري )




ياغنوة الحب لي دايم يغنونك ** كل القلوب بغلاها صاغت ألحانك
وانا بودي أكون السعد في كونك ** واكون غنوه تغني بس على شانك

( حمد بن سهيل الكتبي )




لا يغرك صوت شاعر ضحكته عنوانه ** شوف قاع البحر يخفي قصةٍ مجنونه
وبصراحه وكل صراحه صحّـتي تعبانه ** والمريض يبان عوقه من صفار عيونه

( ماجد عبد الرحمن )



كم جيت لك راضي ومارحت راضي ** يومك تكاثرت العطا والعطيه
لوجيت من حولـــي ثمانين قاضــــي ** يمكن تصاغرت بيديك القضيه

( عارف عمر )
[/align]


أتمنى أن تنال أعجابكم

[foq]تحياتي لكم[/foq]
[/align]

[align=center]لله يعطيك العفيه بنت ابوها

اختيار رائع لشعرا رايعين[/align]

[align=center]


لا والله اعذريني يا بنت ابوك


ما نالت اعجابي ابدا

كلهم من الامارات


كنت باقول لو تحذفين الموضوع افضل

بس هونت

لانه كنت احسب من الموجودين


الشاعر المتخلف اللي يقول عن نفسه شاعر

طارق المحياس

بس مع هذا ما اعجبوني لانهم اغلبهم من الامارات


كان بأمكانك تجيبين مختارات ثانئية لشعراء المملكة المرموقين


على سبيل المثال بس

الشاعر خالد الفيصل


رأي مجرد رأي

اتمنى ان لا يسبب أي ازعاج


شكرا[/align]

[align=center]على كثر الحروف اللي كتبت وكثر أشعاري ** تعبت ولاقدرت اكتب في حبك شطر يا أمي
يا أمي إعذري حرفِ كتبته بدمي الجـــاري ** حروفي أدري ماتوفي ولو كان الحبر دمـــي

( أماني السماني )


تسلمين غاليتي بنت ابوها

ومشكوره على ما اخترتي يالغاليه

تحياتي لك [/align]

[align=center]يالضعيف انت القوي مهما تجوع ** من بنى بيت الغني غير الفقير



بنت أبوها .....

أنت كالنحله لاتقع إلا على طيب ولاتحمل إلا طيب

لك تقديري واحترامي[/align]

[frame="7 80"]مشكور ة على الباقة الجميلة من الأشعار المتميزة صح لسانك ولسان الشعراء[/frame]

[align=center]هلا وغلا أخوي نايف النمران
الله يعافيك أخوي
كل الشكر لمرورك

تقبل تحياتي

[/align]

[align=center]هلا وغلا أخوي فيصل
أحترم رايك واقدر ذوقك أخوي
لكن إذا لم تعجبك هذي مومشكلتي مشكلة ذوقك
أما عن الحذف يوجد متذوقين للشعر كثر
وقد تعجبهم هذه الابيات لذلك لاتكن أناني
كل الشكر لمرورك

تقبل تحياتي

[/align]

[align=center]هلا وغلا حبيبتي الريم
الله يسلمك يالغلا
كل الشكر لمرورك

تقبلي حبي

[/align]

[align=center]هلا وغلا أخوي طير شلوى
الطيب لايفوح عطره إلا بحضورك
كل الشكر لحضورك العطر

تقبل تحياتي

[/align]