الفرق بين السعوديين والسوريين ادخل وشاهد الحقيقه المره!!!!!!!

[align=center]


السلام عليكم ورحمة الله وبركاته


الفرق بين السعوديين والسوريين ادخل وشاهد الحقيقه المره!!!!!!!

مقارنه بين عائلتين ... سعوديه وسوريه طالعين يغيرون جووو


هذا فرق بين سيارتين إحداهما لعائلة سعودية يقودها الأب و الأم بجانبه و الأولاد في الخلف الفوضى تعم السيارة .. و السيارة الثانية لعائلة سورية
عموما دعونا نتخيل حوارا دار داخل كل سيارة
....................................

السيارة الأولى : عائلة السعودي ( أب و أم و ولد وبنت .. ما نبي نكثرهم علشان يكون فيه تركيز في الحوار)
الأب : هاه ما قلتوا لي وين بتروحون ؟
الأم : و بعد بتشاورهم ؟! أنا قلت نروح لصحارى بلازا يعني صحارى بلازا ( سوق تجاري شمال الرياض )
البنت : لا يمه ملينا منه .. كل شوي نروح له خلينا يمه نغير
الأب : شوفي يا بنت الحلال .. سوق مانحن برايحين .. تراني مليت .. راحت فلوسي على هالملابس و الخلاقين .
الولد : ( يصرخ ) يبه يبه
الأب : ( بغضب) وجع ما تشوفني الحين أتكلم ....ليه ما تصبر لين أخلص من كلامي.. وش تبي ؟
الولد : ليش ما تودينا للثمامة و نشوف اللي يطعسون و هناك فيه عسكريم وشاورما و ببسي
الأب : أقول إنثبر يالله .. تبي تودي أمك و أختك عند الشباب ياللي ما تستحي
الولد : وش فيها يبه أماهم متغطين
الأب : أقول.. إنطم بس إنطم
ينطم الولد و يسود الصمت لحظات ...
-------------------------------------------

السيارة الثانية : العائلة السورية ( أب و أم و ولد وبنت)
الأب : لَك يا إم إياد .. جبت الفواكه معاك
الأم : آه جبتا تئبر عيني .. وجبت المي و الزاندويتشات كمان
الأب : تسلميلي عيني .. بدنا نئضي وئت حلو بالحديقة .. بدنا نشم هواء و نهدي أعصابنا
الأم : الله يخلينا إياك ابن عمي ..
الولد : لو سمحت بابا ممكن أحكي
الآب : آه أحكي ابني .. شو بدك بابا
الولد : ممكن تشتري لي قصة جديدة لأنو كل القصص اللي عندي صرت آريهون عشر مرات
الأم : ولا يهمك ابني أنت الأول على فصلك و انت بتستاهل كل إشي
البنت : و أنا ماما .. بعد إذنك بدي عروسه
الأم : لك ماما وين عروستك اللي اشتريتها لك من إشي خمس سنوات
البنت : بعد إذنك يا ماما و بعد إذنك يابابا بدي أهديها لرفيئتي بالفصل نسرين لأنها مؤدبة و خلوئة كتير
الأب : ما مشكلة إهديها للبديك إياه وأنا مع الراتب الجاي راح أشتري لك عروسة زريفة كتير ..
البنت : شكرا يا بابا و شكرا ياماما و أنا أوعدكم أني راح أزاكر كتير علشان أطلع الأولى مثل العادة و أرفع رأسكن ..
---------------


السيارة الأولى :
البنت : يمه يمه
الأم : عمى وش عندس ؟
البنت : دحيم وطى رجلي
الأم : ترى يعلم الله يا دحيم إذا ما صرت رجال إني لأعلم أبوك وش انت مسوي اليوم الظهر ؟
الأب : وش هو مسوي ؟
الأم : أقول وإلا بتووب
الأب : وش أنت مسوي .. طاق الشغالة ؟ ولا تافل في وجها ؟ إيه عارفك هذي عوايدك ؟
الأم : لا ذي ولا ذي .. إلا شايتن القطوة برجله إلين ماتت..
الأب : أشوى أحسبه قايل شي للشغاله .
----------


السيارة الثانية :
) سيارة مسرعة تمر أمام سيارتهم و تكاد تصدمهم(
الأب : العمى شو هالسواقة
الأم : إيه الله يسامحه .. خليه يفووت
الأب : لك بنت عمي ؟
الأم : نعم تئبر عيني .. بدك شي ؟
الأب : كم باقي من الراتب؟
الأم : باقي كتير .. خير ربنا كتير..
الأب : يعني بنئدر نشتري للولد القصة اللي بدوه إياها و البنت كمان العروسه اللي بدها إياها
الأم : آه ممكن عيني .. وكمان بقدر أشتري كتاب أو اثنين علشان أسلي نفسي بيهم
الولد : بابا
الأب : نعم بابا
الولد : إذا ما عندكو مانع أنا ممكن أشتري القصة من مصروفي
الأب : لك إبني أنت بتستاهل كتير ..أنا راح أشتري لك القصة آخر الشهر لما أروح للكمتبة علشان أشتري رواية جديدة إلي .
السيارة تصل للحديقة العامة و ينزل الجميع من السيارة بهدوء و بدون ضوضاء .
-----------------


السيارة الأولى :
تمر سيارة و تحد الأب و تكاد تصدمه
الأب : تعال يابن ال*** قسم ما أخليها لك ، الله يـ... من جابك
الأم : يا ابن الحلال تعوذ من الشيطان و اتركه يروح ولا تقلبنا
الأب : انتي اسكتي مالس دخل
الولد: يبه قرب جنبه علشان أصقعه بقارورة الموية اللي معي
البنت : و أنا أبتفل عليه
الأب: أنحاش ابن الـ... لكن يا هو فـور دمي الله يفور دمه
الأم : يا بن الحلال قايلتن لك اتركه عنك و خلنا نروح للسوق ترانا تأخرنا
الأب: سوق لا ما نيب رايح .. لا تخليني أحلف أنك ما تطيبنه حياة أبد
الأم : أعوذ بالله ما قلت لك شي وقلت إيه أعوذ بالله ( تلتفت بوجهها إلى الجهة الأخرى زعلانه يعني)
الولد : يبه
الأب : مصع وش تبي أنت بعد
الولد : ليش أمي ما تركب ورى الرجاجيل قدام و الحريم ورى
الأم : مابقي إلاهي بعد... طول عمري أركب ورى إلين أخذت أبوك و تبيني أركب ورى أنطم بس هين أوريك ما أشتري لك همبرجر و ببسي
الأب يقف بسيارته عند سوق صحاري .. تخبرون ما يقوى ينفذ تهديده ..


[/align]

[align=center]ههههههههههههههه
الله يعطيك العافيه
أخوي سيف الجود
على هذا المشهد الذي يعتبر واقعي
لدى بعض العوائل
كل الشكر لك

تقبل تحياتي

[/align]

[align=center]فعلاً واقعية هالحالات هذي

بس الجنسية و البلد ماهي مقياس لحسن تعامل الاسرة فيما ينها

بغض النظر عن سعودي و سوري وغيره



يعطيك العافية اخوي سيف الجود احسنت على الطرح لهذه المشكلة التي اجتاحت الكثير من الاسر في مجتمعنا




تقبل خالص تحياتي و تقديري [/align]

[all1=6633FF]ههههههههههههههههههههههههه لاتعليق [/all1]

[align=center]ههههههههههههههههههههههههههه

الله يضحك سنك سيف الجود والله انك صادق السعودي مضاربه هو وعياله بالسياره[/align]

[align=center]أخوي سيف الجود

دائما موضيعك مميزه

وبالذات الموضوع هذا

ننتظر المزيد من الابداع أخي الفاضل

تقلد أحترامي [/align]

الظاهر كان عندك خطأ املائي بدال ما تكتب سيارة السويسريين كتبت السوريين

بس تصدق ان السوريين اشطر ناس بالرحلات الداخلية وتجهيزاتها

ههههههههههههههههههههههههه اشكر كل من شارك بالموضوع والموضوع عبارة عن ابتسامة جميلة ربنا يديم الفرح والسرور لنا جميعاً يارب ومع احترامي الشديد لكل العوائل في العالم العربي والاسلامي

يعطيك الف عافية انت جبت حاجة في واقعنا يعطيك العافية اقولها مرة ثانية
ما فيك حيلة وخير من يمثلنا هههههههههه

[align=center]
سيف الجود


الله يجزاك خير

والله اضحكتنا كثير


المشهد محبوك حبة شي مو طبيعي

بس ترى مو كل السعوديين كذا

لدرجة انها مصنوعة على قاف التساء


والحضران ياحليلهم هاديين بهم اطباع شوام ماعندهم هالتساء ولا هالفوضى ويمكن برامجهم مرتبة بنوت بوك من قبل لايطلعون من البيت

تلقاهم اطلق من الشوام انفسهم


والله ان حضران الرياض الراقيين جدا برستيج


بس الاعراب وما ادراك ما الاعراب


شكرا اخوي سيف الجود على هالمشهد


تقبل مني اجمل تحية[/align]