لكل وايلي مردد

[align=center]أحد المعجبين بقصائدي الله يكثر من أمثاله

أبى إلا أن يفزع لي بحكم الوايلية وطبعاً طلب الفزعة من ربعنا ربيعة في أحد المنتديات الله يستر عليهم

سبب الفزعة أنني شاركت في قناة فواصل (قصيدة التحدي) ، الله يكثر من امثاله كان مجتهد وتحدث مع

أحد المشرفين على هالموضوع وقال له مايصير خاطرك الا طيب واللي صار انه ماجاب له خبر

هالمشرف كان على وجه رمضان الموضوع وشكله فلاّ في هالسمبوسة ونسى الموضوع

نزل موضوع الفزعة طبعاً اللي نزله رفيقي ماهو بالمشرف عشان تكون الصورة واضحة بس افزعوا يالربع ومن هالسوالف ، طبعاً هو كان معشمني ، ويقول

( كل قوم ولا عنزة )

المهم ياجماعة ماودي أطول عليكم نزّل الموضوع ورد عليه ثلاثه بس يقولون أبشر .

طبعاً منتديات القبائل الأخرى بدون طلب مايسمى الفزعة البانر جاهز يحتري الصورة بس والتعليق

عموماً اخواني واخواتي

تفجرت القريحة ماهاضت بس

فلكم ماجادت به.
!

!

!

جهلنا العزة

وامتطينا ظهر التيه

فكانت النتيجة

( تبددت النفس ايدي سَبَا )

لكل من هم في نفسي ، لكل من لم يسمع حسّي

إهداء لكل وايلي مردد .....[/align]



[poem=font="Simplified Arabic,5,black,normal,normal" bkcolor="transparent" bkimage="backgrounds/19.gif" border="double,4,gray" type=1 line=0 align=center use=ex num="0,black"]
تراما على حد العتب لو تراما = ترى قلة الدبره وجل مابها لوم
رفيقي تولّم للسهر لاتناما = عداك العتب لو حرّمت عيني النوم
شيّم والهقاوي في دروبي تزاما = بلا شيمتي عن شيمتي وين اباشوم
ربيعه ربيع(ن) وابله ماتهاما = على وين اوجّه خد الايام ملطوم
تحامو تحامو يوم كل(ن) تحاما = انا كيف ابشحذ فزعتي وانقل الزوم
نجى نوح ابو يافث وحاما وساما = وغرق من غرق واللي غرق يجهل العوم
الا ياجبال(ن) في عيوني تساما = ذهبها ذهب مايقبل البيع والسوم
تشمرت عن ساعد يديني وشاما = خفوق(ن) يقول العز للعز مقسوم
مجيد انتبهلي والخبر له مقاما = تلزّمت بالملزوم والعلم ملزوم
على منتدى ربعي لحقت الملاما = تعديت مفهوم الجهل عند معلوم
تعلقت والدنيا عليها سلاما = سلام(ن) يدوم وعمر الانسان مايدوم
ذلولي عكشها حبلها والخطاما = على اكواعها طاحت وانا فوقي نجوم
عسى عين تبكي ربعها ماتلاما = وعسى عبد ابن هذال مرحوم مرحوم
لك الله لشعره كل روحي تواما = نهار انتحت واقفت مع الواد ابو دوم
تمثّلت مالثّمت وجه الكلاما = وانا اثملتها كلمة وانا حر زيزوم
اورد هجوس(ن) من ضماها هياما = على عد قرنوح(ن) من الوسم موسوم
ابي علم ابن وايل يهز النشاما = وانا عود من حزمة حطب والحطب كوم
نخيت النظر والشوف عنّي تعاما = خجل ياعيوني عيدنا يسبقه صوم
ظهر ياظهر هكالهقاوي حزاما = تحيزم تحيزم طيب الاجواد محكوم
تعلمت يانشاد علم العلاما = وتفهمت وضع(ن) تالي الوقت مفهوم
لقيت الجسد يكفيه مترين خاما = ولقيت الرجا في سود الايام معدوم
عسى عرق طيب(ن) بالضماير تناما = يبلّه وفا ربعه على الزود ويروم
عسى ماخلا من رايحات الغماما = وعسى مااغدي من علم الاجواد محروم
ابرّق بنفسي والعرب والمراما = واصد بنظر عيني تقل مامعي قوم
نسينا زمنّا واللزام اللزاما = ملازيم قوم(ن) كلها طيب وعلوم
عسى هاجس(ن) حرفه لصدري وساما = يجيني على صهوة فخر خيل ويقوم
تنهت له الطاري وصوت الحماما = تناهيت سالم لو ربيعه ربيع اليوم
عساني فدى عين(ن) تداعى بلاما = توجد على مدة بخيل(ن) غدى مخدوم
وش اللي جنوبه من جروحه تداما = على سبوق حر(ن) حدته لايروم الحوم
اذا انّه طرى ياوجد حالي وياما = على مايهز الوجد والوجد وجد هموم
ترى مايهز الوجد كاس المداما = يهزه خبر ذي قار للقرس قبل الروم
تحامى على جرح العرب لاتحاما = حما ماحمى والقلب من حمّته محموم[/poem]