المــلـــحـمـــه الـــــوايـــــــلـــــيــــــه...

يالله يامشفي الجسوم العليلة ياللي خلقت من العدم كل وجدان
خلقت مخلوق وعينك تخيله مابين كاف ونون كونت الانسان
أنت الذي رزق الخلايق كفيله يارافع سمك السماء دون عمدان
أدعوك بأ سماك العظام الجليلة يالجود لمأجود ياجزل الاحسان
ياواحد ماغير عفوك وسيله لقدرتك عبدك فقيرا ومندان
أحمدك يالمعبود ليه قبيله ربعي هل الجدعا سلايل سليمان
قصيرهم ظل المعزة مقيله يمشي طويل الرأس من غير حقران
أن جاء نهارا ساعة به طويله ملكادهم يشبع به الذيب سرحان
الخيل بالفرسان يرهق صهيله غاب اليقين وحاضر كل شيطان
ربعي مروين السيوف الصقيلة جعافرة عند القبائل لهم شأن
ياما ارملوا بافعالهم من حليله وساعدهم الايمن خلايف عليان
اللي جهل يسمع عقاب وجيله ينبيك عنهم حاضر الفكر فهمان
هرج صحيح واضح لك دليله محمد الاحمد بعثهم بديوان
ذاك السديري ماعلومه هزيلة حرا تربى بالمعالي ورفعان
ماولف الا ضو ذكر حكيلة قول على قول تقول العرب كان
لولا أجواد الناس ماله عقيله تاريخ عوق الخيل شيبا وشبان
خيالنا لو تسألون الكحيله تشهد لنا صمك الرمك والخفي بان
من لابة تزبن دخيلا يجليه دخيلهم عن واهج الشمس ينصان
أولاد وايل كاسبين النفيله والهرج مايثبت على غير برهان
هل الفعول الطيبة والجزيله وايل لهم بالمجد منزل ومسكان
عدوهم يسقونه الحنضليله يجرع من العلقم قراطيع ويهان
يوم البرى رده عميل لعميله الجمع يزبر والوغى بينهم حان
نشت بها سحب المنايا المخيله بمصقلات الهند ومزرج الزان
الموت يزجر واحمر الدم سيله وربانها قب تصاهل بفرسان
تلاحمت بين الخصيمين خيله الخيل تنهم والعريني بالايمان
معاركا دارت رحاها مهيله تصرخ بها خضر النمش واللغا شان
خيالنا تاطا الحوافر قتيله اليا سمك عج الرمك خلف الاضعان
اليا عثا بالخيل فعله فصيله سيفه الهامات المناعير ديان
ملكادنا يشفي الطنا والغليله تشهد لنا جرد السبايا بالاكوان
وذيقار شاهدنا وغيره مثيله ارامل المنذر حماها ابن شيبان
المنذريه يوم جتنا دخيله حنا زبنها يوم لوذات الاذهان
جتنا تسوقها البلاوي ذليله وعدنا لها مجد الشرف بعد الاحزان
حنا كسرنا جيش كسرى وفيله وعما نوى حنا جزيناه حرمان
حنا ها الجمع الذي ينعني له نكسر جحافل غازيا شن عدوان
ماننهزم عن حقنا مستحيله وحنا نفرق بين خل وخلان
حريبنا يجرع قراطيع ويله يشكي غلايل فعلنا راح ندمان
بالمعركة نجزاه بأشنع سحيله نكسب مفاخير المعارك بميدان
عبرت عن عصر ورثناه نزيله يوم الفرس والسيف وعنان وسنان
والناس كل صاع حق تكيله ماهي مذمة للقبايل وبهتان
كلا على حمله صبورا يشيله اثبت على ماقلت والفعل سلطان
أفعالنا عند المْورخ نبيله كلام ابن كلثوم يثبت بوكدان
اليا نوانا جاهلا نعتنليه وبجهلنا نجهل على كل جهلان
اليا انهضم راع الضلوع الهزيله تلقى فعايلنا جزيلات وسمان
اجموعنا بالحرب ماينقويله دسنا رواسيها وسدنا بالاوطان
سدنا الجزيرة ونعدل ميل شيله وحنا جعلنا كل قاسيا ليان
من شرقي البحرين لحدود نيله نامر وننهى مانداري بها أنسان
وايل سلاطين العرب تنتميله ومنا كليب اللي قطع رأس حسان
ومنا بطل ذي قار مزبن دخيله وحتى عمر والزير بالاصل ويلان
ومنا المثنى قاد جند بسيله جيش عرمرم يوم تحطيم الاوثان
يوم سهومه مثل وبل الرفيله والسيف من سفك الحمر ذاك رويان
ومنا الملوك اللي خطاهم ثقيله اسياد تعرب من قديمات الازمان
ستر العذارى ناقضات الجديله ماعقبه مفرن على الحق عيان
أفعالهم شر الضغانين تزيله تقضي على حاسد وظالم وفتان
المقرني من عزوة نعتزيله عن الجزيرة زاح ظلم وطغيان
عبدالعزيز اللي قمع كل عيله رام المعالي واعتلا المجد بمكان
حتى بحد السيف جوه صفيله وسبع الخلا من الخوف مايقرب الضأن
هو الذي شكر الثنا يستويله تنشر له البيضا على راس مابان
الي أن قال
ومنا الصباح اللي بهم عدل ميله بطرافهم يعيش عايب وعجزان
نفوسهم بالمال ماهي بخيله صباح والاسرة مجاذيب عقبان
ومنا الخليفة عز من يلتجيله هل الصخا والجود عطبين الاطعان
شيوخ لهم بالضد حيل وحيله حكام بالبحرين لهم الهواء زان
ومنا مصوت بالعشاء كل ليله يزهم بعال الصوت لمن كان جيعان
اللي يصوت بالسنين الوخيله بيته ينادي بالكرم كل الاحيان
ومنا الدريعي يوم يسحب صقيله سيفه يشيل الراس من فوق الامتان
لعيون حصه مايمصه نجيله ماعاد يتلى الخيل مهرة ولاحصان
ومنا عقاب الخيل مرذا الاصيله ومسكت الورع العجي وابن هزان
هزازنه والمدح فيهم نحيله ان جاء نهار فيه رجف ورنان
وجديع ابن هذال مابه جهيله وساجر مسوي للنضا سبت صفيان
وبرجس غدير الموت حامي الدبيله وابا الشيوخ ليا توشح بشامان
وكنعان يعجب خفرة ينتخي له وابن سمير اللي وراء ضلع حوران
ومنا اخو جحله فارسا ينوحيله تعرف ملا كيده ليا طار الايقان
والسيل يجري مع مجاري مسيله وقولا بلا فعلا طعن فيه مشعان
وهرج بلا صدق قليل حصيله ماقل دل وذكره قبل راكان والهرج
والهرج يكفي عن كثيره قليله ماقلت زود في كلامي ونقصان

للشاعر/الاسمرالجويعان(رحمه الله)

[align=center]صح لسانك اخوي طلال
والله يعطيك الف عافيه وماقصرت
جهود تشكر عليها
تقلد أحترامي [/align]

صح الله اللسانك واعتلا شانك ولا هنت على هالابيات الرائع اخوي طــــــــــــلال النـــــــــــــاصر

منتابعين لك سجلنا

[align=center]طلال الناصر الله يعطيك العافيه على نقل قصيدة المروم

باذن الله تعالى الشاعر الكبير الاسمر الجويعان الملحمه الوايليه



رحمه الله

ويليت ذكر اسم صاحب القصيده عند نقلها حتى المشاهد يعرف لمن تكون هذه القصيده

[/align]

[align=center][all1=CCCCCC][align=center]الله يعطيكــ العافيه أخوي
وصح السانكــ وعساك على القوه
والقادم اجمل ....
تقبل تحيااااااااااااااااااتي؛؛؛؛
[/align][/all1][/align]

[align=center]صح لسانك اخوي

طلال [/align]

صح لسانك ولسان الشاعر
تسلم أخوي طلال
على هذا النقل الموفق
كل الشكر لك

تقبل تحياتي وتقديري